L’Union Africana (UA) a creat una comission d’enquista a prepaus dels rapòrts de netejatge etnic e violacions dels dreches umans en Tigrai, una region del nòrd d’Etiopia ont se fan la guèrra l’armada federala d’Etiopia e las fòrças leialas al Front de Liberacion del Pòble de Tigrai (TPLF) que govèrna la region.
 
Segon l’UA, l’enquista se tendrà pendent tres meses e se farà segon los principis d’independéncia, de confidencialitat, d’imparcialitat e de neutralitat. A mai, garentís la proteccion de totes los qu’i collaboraràn. De fach, l’UA a demandat la collaboracion de totas las parts interessadas.
 
Totun, lo govèrn d’Etiopia demanda a l’UA qu’arrèste l’iniciativa sul pic. Planhon una decision unilaterala que pren pas en compte las autoritats del país.
 
 
Dos milions de desplaçats
 
La guèrra en Tigrai a causat gaireben dos milions de desplaçats, a destruch l’economia de la region, e la situacion sanitària e alimentàira es alarmanta. Aquestes darrièrs meses, l’ÒNU a raportat de denóncias de netejatge etnic, de viòls en grop e d’autres crimes contra l’umanitat.
 
Tigrai es una de las 12 unitats federadas d’Etiopia (deu estats regionals e doas vilas). Lo país african se regís dempuèi 1994 amb un sistèma dich de “federalisme etnic”, lo qual autreja un estat regional a las principalas nacions: oromos, amharis, tigrinhas e somalis. En Tigrai, lo 95% de la populacion fa partida del pòble tigrinha. Lo TPLF govèrna l’estat regional dempuèi sa fondacion.
 
En novembre passat, Etiopia declarèt la guèrra a Tigrai après una disputa politica entre lo govèrn federal d’Abiy Ahmed, qu’en 2019 recebèt lo prèmi Nobel de la patz, e lo TPLF, que governèt Etiopia pendent gaireben tres decennis.
 
 

Official launch of the Commission of Inquiry on the #Tigray Region of #Ethiopia @ https://t.co/oeEKRvw834pic.twitter.com/Zd16Kt88m0

— African Union (@_AfricanUnion) June 17, 2021

 

‘Don’t betray women of #Tigray’: calls grow for international action against rape in war https://t.co/mRxTtADmls

— Mukesh Kapila (@mukeshkapila) June 19, 2021

 

#UN Ambassador reiterates #Ethiopia’s commitment to alleviate humanitarian situation in #Tigrayhttps://t.co/S9SthSZzrTpic.twitter.com/nQvLddHq8g

— FBC (Fana Broadcasting Corporate S.C.) (@fanatelevision) June 16, 2021

 

#Tigray: this is what is coming unless the world acts immediately and with determination. This is NOT some unforeseen tragedy: it's a strategy.

Starvation is being weaponised to break the people. Famine is the plan pic.twitter.com/oym3w3TVSO

— Martin Plaut (@martinplaut) June 16, 2021

 

Good Morning #Tigray  pic.twitter.com/Udd4oz0UnU

— Shewit tigraweyti (@ShewitTigraweyt) June 19, 2021