Actualitats
Eleccions regionalas e departamentalas: majoritat absoluda d’abstencion al primièr torn
Sembla que i aurà pas cap de cambiament dins las regions occitanas. En Provença, l'RN fa mens de vòtes que previst
Tèxte legit
Majoritat absoluda d’abstencion al primièr torn de las eleccions regionalas e departamentalas d’aqueste dimenge a l’estat francés. Lo taus d’abstencion dins las regions que pertòcan Occitània a atench un recòrd: un 67% en Centre-Val de Léger, un 62,9% en Nòva Aquitània, un 61.4% dins la region qu’a pres lo nom d’Occitània, un 65.1% en Auvèrnhe-Ròse-Alps e un 66.3% a Provença-Alps-Còsta d’Azur.
La campanha, corta e tocada per la crisi sanitària, se vegèt coma un preludi de la presidenciala e la volguèron polarizar coma un duèl entre las formacions d’Emmanuel Macron e de Marine Le Pen. La desmobilizacion de l'esquèrra, la crisi de fisança en la politica, la simultaneïtat de las regionalas e de las departamentas son tanben d’elements que los analistas tendràn en compte a l’ora d’analisar aquela nauta abstencion. Un element de prene en compte es la complexitat administrativa francesa e los efièches del centralisme francés que balha de competéncias foscas a las collectivitats intermediàrias entre la comuna e lo govèrn central.
Segon los primièrs resultats del comptatge, los socialistas Carole Delga e Alain Rousset serián largament en cap respectivament dins la region qu’a pres lo nom d’Occitània e en Nòva Aquitània. Lo republican Laurent Wauquiez seriá en cap en Auvernhe-Ròse-Alps. En Provença, l’extrèma drecha del Recampament Nacional obten mens de vòtes que previst; lo republican Renaud Muselier se tròba code a code amb lo lepenista Thierry Mariani.
Bon resultat de l’occitanisme en Provença
Doas listas clarament occitanistas èran a las eleccions regionalas. Òc per Provença se presentava pel primièr còp dins la region mai orientala del país e a obtengut un 2,6 % dels vòtes. Es pas un marrit resultat per una lista dobèrtament regionalista qu'existissiá pas abans.
Dins la region que ten lo nom d’Occitània la lista Bastir Occitània seriá a l’entorn de l’1%
De problèmas d’organizacion a Marselha
La jornada foguèt marcada per de problèmas d’organizacion, especialament a Marselha amb 34 burèus que poguèron pas dobrir a 8h en rason de l'abséncia de president; calguèt l'intervencion de la prefectura e de la polícia per requisionar de presidents, tres oras mai tard.
L’excepcion còrsa
Corsega es l’endrech de la França europèa amb lo taus mens naut d’abstencion: lo 44.1% dels electors. Aquí, l’extrèma drecha del Recampament Nacional es estada eliminada. Lo corsista Gilles Simeoni s’impausa davant la drecha francista de Laurent Marcangeli (Los Republicans). Pasmens, serà complicat a Marcangeli de ganhar al segond torn, mai que mai perque qualques partits nacionalistas còrses an obtengut pro de vòtes per fusionar amb Simeoni, e tanben perque lo total de las fòrças autonomistas e independentistas supèra lo 55%.
Trobatz totes los resultats sus: elections.interieur.gouv.fr/regionales-2021
La campanha, corta e tocada per la crisi sanitària, se vegèt coma un preludi de la presidenciala e la volguèron polarizar coma un duèl entre las formacions d’Emmanuel Macron e de Marine Le Pen. La desmobilizacion de l'esquèrra, la crisi de fisança en la politica, la simultaneïtat de las regionalas e de las departamentas son tanben d’elements que los analistas tendràn en compte a l’ora d’analisar aquela nauta abstencion. Un element de prene en compte es la complexitat administrativa francesa e los efièches del centralisme francés que balha de competéncias foscas a las collectivitats intermediàrias entre la comuna e lo govèrn central.
Segon los primièrs resultats del comptatge, los socialistas Carole Delga e Alain Rousset serián largament en cap respectivament dins la region qu’a pres lo nom d’Occitània e en Nòva Aquitània. Lo republican Laurent Wauquiez seriá en cap en Auvernhe-Ròse-Alps. En Provença, l’extrèma drecha del Recampament Nacional obten mens de vòtes que previst; lo republican Renaud Muselier se tròba code a code amb lo lepenista Thierry Mariani.
Bon resultat de l’occitanisme en Provença
Doas listas clarament occitanistas èran a las eleccions regionalas. Òc per Provença se presentava pel primièr còp dins la region mai orientala del país e a obtengut un 2,6 % dels vòtes. Es pas un marrit resultat per una lista dobèrtament regionalista qu'existissiá pas abans.
Dins la region que ten lo nom d’Occitània la lista Bastir Occitània seriá a l’entorn de l’1%
De problèmas d’organizacion a Marselha
La jornada foguèt marcada per de problèmas d’organizacion, especialament a Marselha amb 34 burèus que poguèron pas dobrir a 8h en rason de l'abséncia de president; calguèt l'intervencion de la prefectura e de la polícia per requisionar de presidents, tres oras mai tard.
L’excepcion còrsa
Corsega es l’endrech de la França europèa amb lo taus mens naut d’abstencion: lo 44.1% dels electors. Aquí, l’extrèma drecha del Recampament Nacional es estada eliminada. Lo corsista Gilles Simeoni s’impausa davant la drecha francista de Laurent Marcangeli (Los Republicans). Pasmens, serà complicat a Marcangeli de ganhar al segond torn, mai que mai perque qualques partits nacionalistas còrses an obtengut pro de vòtes per fusionar amb Simeoni, e tanben perque lo total de las fòrças autonomistas e independentistas supèra lo 55%.
Trobatz totes los resultats sus: elections.interieur.gouv.fr/regionales-2021
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#13 Çò qui volí díser, qu'ei absurde d'emplegar "occitan" au sens d'"occitanistas". Los autes tanben que'n son quan seràn, de fèit, sovent aculturats.
#12 Jo, en Occitania, que vedi, mei que mei, ua piela de monde completament aculturats e franchimandizats dens lo cap...
#7 Hilh de puta, que hè gai!! Que s'a pres lo sac e las quilhas tà se n'anar har véder dens un quilhèr franchimand.
#12 Jo, en Occitania, que vedi, mei que mei, ua piela de monde completament aculturats e franchimandizats dens lo cap...
#11 Que n'i devè aver. En Occitania, ne i a pas qu'occitans, de naishença o d'adopcion.
Question : ai somiat o dins la lista sortenta i aviá ja d'occitans ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari