CAPÇALERA PAIS INVISIBLE

Actualitats

InternacionalPoliticaSocietat

La Comission Europèa se bat contra la lei ongresa que criminaliza l’omosexualitat

Ursula von der Leyen a dich qu’es “una vergonha” e qu’utilizarà “totes los poders juridics per la CE per garentir los dreches dels ciutadans europèus”

Tèxte legit

“Aquest projècte de lei ongrés es una vergonha”, çò a declarat la presidenta de la Comission Europèa (CE), Ursula von der Leyen, a prepaus de la lei ongresa que criminaliza la comunautat LGBTI. Dins una compareissença publica, von der Leyen a assegurat que la CE mandariá una letra a las autoritats ongresas per i expausar sos chepics juridics abans l’intrada en vigor de la lei. Dins aquel sens, von der Leyen a dich net e clar que la lei ongresa “discrimina sus la basa de l’orientacion sexuala e s’opausa a las valors fondamentalas de l’UE”, e per tant faràn “pas cap de compromís”. Aital a assolidat: “Utilizarai totes los poders juridics per la CE per garentir los dreches dels ciutadans europèus”.
 
La lei en question s’aprovèt lo 25 de junh passat a l’Assemblada Nacionala ongresa, gràcias a la majoritat absoluda de l’ultradrecha. Es una lei qu’interditz los parladisses sus l’omosexualitat e la transidentitat dins los centres educatius e enebís l’emission de contenguts audiovisuals de tèmas LGBT a la television pels mens de 18 ans.
 
 
 
 
 
 
abonar los amics de Jornalet
 
 

 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Amīcus Emmanuelis Macrōnis Cīvitās Erōtica Sēnsuālitātis
14.

#13 Lo President a ja donat son opinion. Pas coma los comentaris omofòbs de "Salubritat Occitana".

  • 0
  • 0
Messatge in a bottle ?
13.

#5 Dins ton ufanosa bontat nos prepausavas al sicut dels presonièrs politics catalans "Pensi que vau ensajar d'escriure al President de la Republica (francesa) per fin de li mandar d'intervenir dins aquel afar, un pauc d'autoritat e de dignitat ajudarà benlèu a far sortir los prisonièrs politics pus lèu... vos teni au corrant se las causas pòrtan lor fruch...". E ben, de qu'esperas per li escriure tornamai sus aquesta lei ongaresa a ton grand colèga Macron ?

  • 4
  • 1
Salubritat Occitana
12.

#11 E senhala-lo tanben a ton fotut Macron, luoga de nos venir trollejar de longa amb ta propaganda pro-macroniana debila, cara d'andolfi !

  • 13
  • 1
Amīcus Emmanuelis Macrōnis Cīvitās Erōtica Sēnsuālitātis
11.

#10 Sénher, vau èsser onèste amb vos : aquel comentari es pas dròlle, e vau lo signalar a la direccion de Jornalet.

  • 0
  • 0
Salubritat Occitana
10.

#7 Vade retro, trollus pedalus Macronus !

  • 5
  • 3

Escriu un comentari sus aqueste article