Actualitats
Bascos e occitans manifèstan pel drech a l’escòla en lenga pròpria
Dissabte passat ja manifestèron, e uèi protèstan tornarmai per defendre las Ikastolas e las Calandretas contra los atacs institucionals
Tèxte legit
Dissabte passat, la federacion Calandreta de Bearn e l’associacion Seaska, que fedèra las Ikastolas (escòlas immersivas en basco), manifestèron per las carrièras d’Hendaia (Bascoat) contra la menaça mai grèva qu’a viscut l’alternativa educativa en lenga autoctòna.
En se basant sus la lei Falloux, lo sosprefècte de Baiona, Patrick Dallenes, a enebit lo cònsol d’Hendaia de subvencionar lo bastiment de la nòva Ikastola. Del sieu costat, lo prefècte de Pau a adreiçat una letra al cònsol d’Artics (Bearn) en denonciant la mesa a disposicion dels locals municipals a títol graciós a la Calandreta bearnesa.
Aqueles atacs poirián far taca d’òli e far impacte en tot lo modèl immersiu de l’Estat francés en lenga non francesa.
La lei Falloux crèa una granda instabilitat entre los centres d’ensenhament en lengas minoritàrias de l’Estat francés. E mai se la lei o enebís, lo finançament de las bastissas de la majoritat de las Calandretas e de las Ikastolas s’es realizat mercés als apòrts publics. Dins aquel sens, lo president de Seaska lancèt una provocacion en disent qu’es arribat lo moment de n’acabar amb aquela situacion d’inseguretat: “Se lo sosprefècte vòl far respectar la lei, li cal solament barrar totas las Ikastolas la sason que ven”.
Manifestacion uèi a Baiona
Uèi a Baiona (Bas Ador), a 15h00, i a una nòva crida a manifestar, après una convèrsa non gaire satisfasenta amb lo prefècte de Pau debanada ièr.
La manifestacion comença dins la Plaça dels Bascos, davant l’ofici de torisme, darrièr una bandieròla bilingüa, en basco e en occitan, que reclama una lei per l’immersion lingüistica.
En se basant sus la lei Falloux, lo sosprefècte de Baiona, Patrick Dallenes, a enebit lo cònsol d’Hendaia de subvencionar lo bastiment de la nòva Ikastola. Del sieu costat, lo prefècte de Pau a adreiçat una letra al cònsol d’Artics (Bearn) en denonciant la mesa a disposicion dels locals municipals a títol graciós a la Calandreta bearnesa.
Aqueles atacs poirián far taca d’òli e far impacte en tot lo modèl immersiu de l’Estat francés en lenga non francesa.
La lei Falloux crèa una granda instabilitat entre los centres d’ensenhament en lengas minoritàrias de l’Estat francés. E mai se la lei o enebís, lo finançament de las bastissas de la majoritat de las Calandretas e de las Ikastolas s’es realizat mercés als apòrts publics. Dins aquel sens, lo president de Seaska lancèt una provocacion en disent qu’es arribat lo moment de n’acabar amb aquela situacion d’inseguretat: “Se lo sosprefècte vòl far respectar la lei, li cal solament barrar totas las Ikastolas la sason que ven”.
Manifestacion uèi a Baiona
Uèi a Baiona (Bas Ador), a 15h00, i a una nòva crida a manifestar, après una convèrsa non gaire satisfasenta amb lo prefècte de Pau debanada ièr.
La manifestacion comença dins la Plaça dels Bascos, davant l’ofici de torisme, darrièr una bandieròla bilingüa, en basco e en occitan, que reclama una lei per l’immersion lingüistica.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cossí pòt èsser, mas los bascs del nòrd pas despreciaban als gascons segontes qualques comentaris? E, poneràn en mai d'afichas bilingües en basco e occitan, Mas los bascs tractavan pas fatal al gascon? Ay que veire amb çò de marrit que tractan los bascs als gascons, fan de manifestacions amassa per defendre las siás respectivas lengas e d'afichas bilingües en aquestas 2 de lengas. Disi aquò per que qualques gascons (supausi e esperi que minoritat) rectificatz çò de dich contra los bascs.
La realitat es que los bascs e los gascons de las zònas de transit cultural s'amien plan, o siatz, que tà ièu los 'gascons' que comentavan contra los 'bascs' èran franceses que odian lo basco e l'occitan.
#1 quiòc. o los occitans tant malins e conscients que serén capables d'organizar una manifestacion per cridar auta causa que "anem, òc..."
Dins aquel sens, lo president de Seaska lancèt una provocacion en disent qu’es arribat lo moment de n’acabar amb aquela situacion d’inseguretat: “Se lo sosprefècte vòl far respectar la lei, li cal solament barrar totas las Ikastolas la sason que ven”. PErsonalement, pensi pas que gèine fòrça lo sosprefècte d'ont que siá de far tampar totas las breçolas, iskastolas, diwans e autras calandretas, que de las nòstras lengas, los sosprefèctes franceses se chautan coma del prètz d'un gal…
Sèm dirigits per de racistas, de faiscistas (sul plan de las politicas culturala e educativa al mens) que nos trepejan dempuèi uèit sègles, e que se'n creson mai avançats, se que non superiors. Tot çò que nos an autorizat fins ara, se gardan plan al caut lo dreit d'o nos enebir, suprimir, eradicar sens ombra de sospir pus mendre, amb la condescendéncia maximala tre que s'agís de tractar amb nosautres.
La solucion ? La sabèm dempuèi bèl brieu : una lenga = un pòble = un país = una nacion = un estat de dreit ! En esperant la supression del salariat e dels estats qu'i cal trabalhar tre ara.
Aquò beròi !
Que'm triga de véder los Bascos tan solidaris que serén capables de har un bus dinc a Pau, o Artics, a minima... ;)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari