Actualitats
Catalonha: los 9 èx-presonièrs politics aculhits a la Generalitat e al Parlament
Totes los parladisses an remembrat los exiliats e los mai de 3000 enseguits pel referendum del 1r d’octòbre de 2017
Tèxte legit
A la Generalitat, lo govèrn catalan los a recebuts amb una ceremònia institucionala dirigida pel president Pere Aragonès. Dins lo public i aviá qualques cadièras vuèjas per representar los exiliats que pòdon pas encara tornar al país sens risc d’èsser encarcerats.
Puèi, Oriol Junqueras, Joaquim Forn, Raül Romeva, Carme Forcadell, Josep Rull, Jordi Turull, Dolors Bassa, Jordi Cuixart e Jordi Sànchez anèron al Parlament de Catalonha per un eveniment tot plen d’emocions, d’aplaudiments e d’abraçadas.
La repression contunha
Mentretant, lo dich Tribunal dels Comptes es a jutjar 41 elegits independentistas catalans e exigís d’eles lo pagament de las despensas de la Generalitat per sa promocion a l’estrange. Riscan de multas de milions d’èuros e la confiscacion de lors bens.
Aquel tribunal es l’institucion de contraròtle de las finanças publicas e es compausat de 12 jutges elegits en sesilha parlamentària. La tòca d’aqueste procès seriá la que l’anoncièt en 2017 lo cap del govèrn espanhòl Mariano Rajoy quand assegurèt que combatriá l’independentisme catalan amb d’argent.
El @govern hem rebut als presos i les preses polítiques al Palau de la Generalitat i al #Parlament. Mereixen tot el nostre reconeixement, agraïment i estima. Bentornats a casa!
— Violant Cervera (@ViolantCervera) June 28, 2021
No pararem fins aconseguir l’amnistia i que exiliats i represaliats puguin viure en llibertat pic.twitter.com/jzSiTGrvOV
“Dia per a observar que la distància més càlida, més humana, més tendra entre els dos partits la salven L. Borràs (Junts) i C. Forcadell (ERC), empàtiques com es mostraven l’una amb l’altra, i l’altra amb l’una, lluny de la tendra tensió existent entre els homes” @andreubarnilspic.twitter.com/jIXiYgp214
— Laura Borràs (@LauraBorras) June 28, 2021
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los erois sempre seran benvinguts a casa.
Una bona novèla. Espèri que seràn tanben aculhits a l'Elisèu : la Republica catalana a pres per exemple la Republica francesa, adonc seriá ben que trabalhèssem amassa. La França deu se rampelar de son passat anti-reialista e pro-Republica, e lo nòstre President deu benlèu organisar de discutida amb los actors de la libertat catalana (et occitan), sèm ja dins lo bon camin qu'a parlat en favor de las lengas regionalas. Òc... l'avenidor es benlèu liminós e l'espèr se pòt enfin veire a l'orizon. Visca la Republica!
Napoleone Bonaparte s'èra annexat Euskadi, Païses Catalans e Espanha ; donc aqueles domanis fan partida de l'enternal empèri francés. Mas los espanholistas non son d'accòrdi, ja que vòlon e assumisson una plena independénica a regard del primièr empèri. Donc : los espanholistas son d'independentistas sense cap mena de repenténcia. E donc, França lor deu far pagar milionasses d'euros, per matar l'independentisme espanhòl !…
Ne volètz escotar d'autras, de conariás coma aquesta ? Demandatz al Rajoy e a tota la racalha neofranquista…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari