La Direccion Generala de la Politica Lingüistica de la Generalitat de Catalonha es venguda un secretariat. Aquela pojada de reng cèrca de garentir l’avenir del catalan, de l’occitan e de la lenga dels signes catalana. La foncion màger del Secretariat de la Politica Lingüistica es d’analisar, planificar, dirigir, coordenar e executar la politica lingüistica de la Generalitat de Catalonha. A mai, son prètzfach es d’elaborar de proposicions legislativas restacadas a aquelas tres lengas territorialas, dont l’occitan .
 
Per dirigir aquel nòu secretariat, s’es nomenat lo sociolingüista Francesc Xavier Vila. Professor de l’Universitat de Barcelona e expèrt de l’evolucion de las lengas dins la societat catalana, Vila es l’autor d’Eth coneishement der aranés ena Val d’Aran, considerat coma lo primièr estudi sociolingüistic de l’occitan en Aran fach amb un metòde e de paramètres de recèrca omologables.
 

Francesc Xavier Vila nau secretari de Politica Lingüstica Expèrt ena evolucion istorica des lengües ena societat catalana, @VilaFx ei autor deth prumèr estudi sociolingüistic der #aranés hèt damb metòde e paramètres de recèrca omologables (hiu )https://t.co/Nv9opGWCKPpic.twitter.com/nZGOh6dzCg

— Occitan aranés (@occitan_aranes) June 29, 2021

En an 2000, er estudi de @VilaFx se publiquèc per separat damb eth títol ‘Eth coneishement der aranés ena Val d’Aran’ e se presentèc enes jornades occitanocatalanes d’Aran

https://t.co/jMDz7kBMGEpic.twitter.com/gSkqaL0jKt

— Occitan aranés (@occitan_aranes) June 29, 2021