“Roma lives matter”, valent a dire, “la vida dels ròms es importanta” es vengut lo crit de protèsta après la mòrt d’un òme de 46 ans en Chequia, tuat per la polícia d’un biais que fa pensar al murtre de George Floyd. Aquò aguèt luòc a Teplice lo 25 de mai passat, just dos jorns après la senténcia de 22 ans e mièg de preson per Derek Chauvin, lo policièr que tuèt Floyd.
 
La victima li disián Stanislav Tomáš, un òme de 46 ans etnicament ròm. La polícia l’arrestèt quand ensajavan de metre fin a una batèsta entre trafegaires de dròga. Los imatges enregistrats amb un telefòn mobil mòstran cossí tres policièrs l’arrèstan; mentre qu’un cèrca de l’emmanotar, un autre li clava lo genolh sul còl e l’òme crida. Qualques minutas puèi, l’òme bolega pas pus mentre que s’ausís la votz d’un passejaire que s’exclama: “L’estofan!”.
 
Segon la version de la polícia, l’òme moriguèt dins l’ambulància, en camin devèrs l’espital, e las causas de sa mòrt an pas res a veire amb la manièra que l’arrestèron. Los mèdias chècs afirman que defuntèt a causa de las drògas. Lo primièr ministre chèc e lo ministre de l’Interior an manifestat lor sosten als policièrs.
 
Pasmens, los imatges son fòrça evidents e an descadenat una granda indignacion populara en Chequia e endacòm mai. Per Michal Miko, director de l’associacion Romanonet, los imatges pròvan una “brutalitat maximala”. De son caire, l’activista ròm Jozef Garde assegura que Tomáš èra pas drogat mas que patissiá de fòrtas dolors d’esquina e preniá d’analgesics. “Totòm es capable d’imaginar çò que se pòt passar quand qualqu’un met son genolh sul còl d’un malaut”, çò denóncia.
 
En Chequia demòran aperaquí 250 000 ròms dont maites vivon en de condicions marginalas e son victimas de crimes d’òdi e de violéncias, segon de donadas de l’Union Europèa.
 
 

Here is the short version of what happen in Czech rep from viral post on Facebook.#RomaLivesMatterpic.twitter.com/KpyskeGBfJ

— Roma Nation Movement #RomaIsTheNation (@RomaMovement) June 22, 2021

 
 

 

Death of Stanislav Tomas has shone a light once more on the plight of the large Roma communities that live in Central Europe, who face deep discrimination, and often abuse  https://t.co/hpFKcSZZWK

— Al Jazeera English (@AJEnglish) June 29, 2021

 

IN PICTURES | “Rise up Roma!” chanted a crowd of around 500 as they rallied in Teplice in the Czech Republic, where Stanislav Tomas died in an incident that members of the Roma community compare to the murder of George Floyd by police in the US.

More: https://t.co/jPIeprFdeJpic.twitter.com/wpzT5KkDO2

— Reporting Democracy (@Rept_Democracy) June 28, 2021