CAPÇALERA PAIS INVISIBLE

Actualitats

InternacionalPolitica

Persecucion economica de l’independentisme catalan

34 elegits e personalitats devon pagar una caucion de 5,42 milions d’èuros en doas setmanas o lors bens lor seràn confiscats

Tèxte legit

Lo Tribunal dels Comptes espanhòl, institucion que s’ocupa del contraròtle de las finanças publicas, exigís dels 34 independentistas catalans una caucion per un total de 5,42 milions d’èuros. Se d’aicí a doas setmanas an pas pagat tot aquel argent, lors bens lor seràn confiscats. Demest los 42 jutjats, 8 son estats exonerats per la jutgessa qu’instruís lo procès.
 
Ara, los independentistas catalans son pas pus acusats de sedicion pel referendum d’independéncia del 1r d’octòbre de 2017, mas de malversacion de fonzes publics consagrats a la representacion internacionala del govèrn de la Generalitat.
 
Dins l’audiéncia que se tenguèt dimars passat, los avocats planguèron que lor foguèsson concedidas sonque tres oras per legir lo rapòrt d’acusacion de mai de 500 paginas. A mai, lor daissèron sonque dètz minutas per expausar lors plaids, tant se representavan un acusat coma mai d’un.
 
Demest los acusats se tròban lo president en exili Carles Puigdemont, que deu pagar 1,9 milion; l’èx-president Artur Mas que ne deu pagar 2,8; lo cap d’ÈRC Oriol Junqueras, que deu pagar 1,9; l’ancian conselhièr d’accion exteriora Raül Romeva, que ne deu pagar 2,1. Lo mai greujat es l’ancian director del Conselh de la Diplomacia Publica de Catalonha (Diplocat), Albert Royo, que deu pagar 3,6 milions d’èuros. De soslinhar lo cas de Maryse Olivé, representanta de la Generalitat en França, condemnada a pagar 22 725,27 èuros. Coma Olivé moriguèt en 2017, los jutges an impausat aquel pagament a sa filha Chantal Olivé.

 
 
 
 
 
 
 
 







abonar los amics de Jornalet

 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Una panta de rires
5.

#2

Tot aquò (lo comentari) vira dins una brava panta de rires.

  • 0
  • 0
Wojciech L\'Hospitalet de Llobregat
4.

#3 Eth diari ei catalan.

  • 6
  • 0
Ròdrigo Bigòrra
3.

#1 Adixatz qu'avetz arrason de plan ,que'n avem a foter de Catalonha nosautis que vivem en França !

  • 6
  • 32
Guston
2.

Io tròbi interessent d'aver aici çò que nos dison pas, sovent, los medias franceses.

  • 44
  • 9
Ugenon
1.

En plaça de parlar de la politica francesa que tòcha quasi 99% de la poplacion occitana, dinc Jornalet preferan totjorn parlar de Catalonha, Catalonha, Catalonha, Catalonha, Catalonha...

  • 11
  • 35

Escriu un comentari sus aqueste article