Actualitats
Google pagarà a la premsa francesa 60 milions d’èuros per ne publicar los contenguts sus son cercador
L’entrepresa tecnologica Google es arribada a un acòrd amb lo govèrn francés: que pagarà 60 milions d’èuros a la premsa de l’estat per la publicacion de sos contenguts a travèrs de son popular cercador, segon çò qu’a dich l’Elisi dins un comunicat. “La mesa en marcha d’un fons especific, dotat amb 60 milions d’èuros, facilitarà la transicion de la premsa dins l’encastre numeric”, çò ditz.
Lo pache se signèt divendres passat en una reünion entre lo president francés, François Hollande, lo president executiu de Google, Eric Schmidt, la presidenta de l’Associacion de la Premsa d’Informacion Politica e Generala, Nathalie Collin, e lo mediator designat pel govèrn, Marc Schwartz. Participèron tanplan la ministra de la Cultura e de la Comunicacion, Aurélie Filippetti, e la secretària d’Estat de las Pichonas e Mejanas Entrepresas e de l’Economia Numerica, Fleur Pellerin.
Hollande aviá ja comunicat a Schmidt, lo 29 d’octòbre passat, lo besonh que l’entrepresa arribèsse a un acòrd amb los editors de premsa, e per aquò designèt Schwartz coma mediator.
Lo president executiu de Google, Eric Schmidt, a afirmat que l’acòrd representa una estimulacion envèrs l’innovacion numerica de tal biais que ne benefícien los usatgièrs e tota la telaranha.
Mai d’informacions:
Le Monde: Rémunération des médias : Google et la France signent un accord
Le Figaro: Accord entre les éditeurs français et Google
Libération: Google et la presse : 60 millions et on oublie tout
Lo pache se signèt divendres passat en una reünion entre lo president francés, François Hollande, lo president executiu de Google, Eric Schmidt, la presidenta de l’Associacion de la Premsa d’Informacion Politica e Generala, Nathalie Collin, e lo mediator designat pel govèrn, Marc Schwartz. Participèron tanplan la ministra de la Cultura e de la Comunicacion, Aurélie Filippetti, e la secretària d’Estat de las Pichonas e Mejanas Entrepresas e de l’Economia Numerica, Fleur Pellerin.
Hollande aviá ja comunicat a Schmidt, lo 29 d’octòbre passat, lo besonh que l’entrepresa arribèsse a un acòrd amb los editors de premsa, e per aquò designèt Schwartz coma mediator.
Lo president executiu de Google, Eric Schmidt, a afirmat que l’acòrd representa una estimulacion envèrs l’innovacion numerica de tal biais que ne benefícien los usatgièrs e tota la telaranha.
Mai d’informacions:
Le Monde: Rémunération des médias : Google et la France signent un accord
Le Figaro: Accord entre les éditeurs français et Google
Libération: Google et la presse : 60 millions et on oublie tout
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Quina trufada, quin polit racket !
Google a pas a subvencionar la premsa francesa, qu'es ja plan subvencionada per l'estat.
Se'n sortisson pas ? Lor modèl economic es de tornar veire, es tot… se lo monde tròban mai lor compte en legissent de blògs* que la premsa oficiala numerica, benlèu qu'an una question de contengut, tanben, de se pausar. Copiar una despacha AFP es pas de jornalisme.
*Lo Jornalet n'es un bon exemple.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari