Actualitats
Tolosa: primièr fast food occitan e en occitan
I sonarà de musica en occitan, lo menut serà en lenga nòstra e cada setmana s’aficharà una expression occitana “per aprene ensems la lenga”
Tèxte legit
Un nòu concèpte de restauracion rapida occitan, e en occitan, dobrirà a Tolosa diluns que ven, 12 de julhet. Li dison “Lo Cròc a la Lèsta” e basicament servirà de cròcamonsurs faches amb de produches seleccionats del canton. “Lo concèpte es simple: pan de mica del melhor fornièr a 500m a l’entorn, formatge del formatgièr de ma carrièra, cambajon d’Arièja, lach d’Occitània per far de cròcamonsurs a la minuta sortits del forn per ben se cremar mas tanben per se regalar”, çò a explicat a Jornalet l’iniciaire del projècte Michel Maffre. E aquò es pas tot: “Se prepausarà tanben de nèulas fachas a l'ostal e gavadas al ròm per un gost a caire de cuol”, çò precisa. Se los clients vòlon anar manjar dins lo pargue e s’assetar dins l’erbeta mas restar candes, l’establiment lor pòt prestar una cobertura.
Dins l’establiment sonarà de musica en occitan, lo menut serà en lenga nòstra amb de traduccions en francés e cada setmana s’aficharà una expression occitana “per aprene ensems la lenga”, car Maffre tanben comença, çò apond.
De musica en dirècte
A la fin de julhet, Lo Cròc a la Lèsta prepausarà d’instruments de musica en liure servici. Una guitarra e una mena de piano seràn a la disposicion dels que voldràn jogar a l’exterior. Lo que los tocarà plan pendent dètz minutas, aurà un cròcamonsur e una bevenda a gratis.
Lo Cròc a la Lèsta, lo trobaretz al numèro 12 de l’Avenguda Étienne Billeres, dins lo quartièr de Sant Çubran.
Dins l’establiment sonarà de musica en occitan, lo menut serà en lenga nòstra amb de traduccions en francés e cada setmana s’aficharà una expression occitana “per aprene ensems la lenga”, car Maffre tanben comença, çò apond.
De musica en dirècte
A la fin de julhet, Lo Cròc a la Lèsta prepausarà d’instruments de musica en liure servici. Una guitarra e una mena de piano seràn a la disposicion dels que voldràn jogar a l’exterior. Lo que los tocarà plan pendent dètz minutas, aurà un cròcamonsur e una bevenda a gratis.
Lo Cròc a la Lèsta, lo trobaretz al numèro 12 de l’Avenguda Étienne Billeres, dins lo quartièr de Sant Çubran.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
*cròcamonsurs > cròcasénhers
Osca ! tota iniciativa per socializar un quicomet de lenga occitana es plan venguda.
Pasmens, Sant Çubran es pas sus la bona riba ; es un quartièr, lo monde i van exprès, son d’abituats que lai demòran o trabalhan, pas de passejaires que landrejan, coma dins lo centre.
I auriá quitament una paradòxa de far 3 km per manjar lèst.
M’enganèssi e capitèsson ne seriái tras qu’encantat.
Étienne Billères > Estève Vilhèras
Joan Peiroton qu'ètz vos, qui m'usurpatz lo pseudonim. N'ètz pas briga arridolèr.
L'usurpacion d'identitat qu'ei un delicte deus grèus. Tornatz-vse'n a las shishanglas vostas e aus persecs vostes.
Quin e'vs podetz trufar d'ua iniciativa de las hèra bonas, malaja ! Joan Peiroton, que v'avem reconeishut e ne'vs deisharam pas har au tròl. Que vau previéner la redaccion entà que'vs sia enebit l'accès. Coneguda causa sia.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari