Per la primièra jornada dels rescontres de retorn de la Superliga, novèl viatge benefic dels Catalans en Anglatèrra: uèit ensages marcats e victòria 50-12 del costat d’Huddersfield.
La jornada se faguèt a mièjas: doas partidas remesas en rason de la Covid; Castleford incapable d’alinhar una esquipa fàcia a Saint Helens e que pèrd per abandon. Quatrena desfaita en seguida per Wigan que pèrd sus sa pelena contra los Lops de Warrington: 40-14 e encadena, dimenge, amb una novèla desfaita cò dels Sants: 24-6.
Aqueste diluns 5, los Dragons an pas reçauput Hull KR que podiá pas venir a Perpinhan amb de jogaires en quarantena. Los Sang e Aur se preparan a una dobla confrontacion amb Leeds: aqueste divendres 9 en Anglatèrra; lo 16 a Perpinhan.
Lo capitani Benjamin Garcia, que joguèt talonaire cò dels Gigants, ven de signar per 3 novèlas sasons en sang e aur.
NRL: los Polets desossats
La jornada del campionat australian comencèt dijòus dins un estadi tornarmai sens espectators per una rosta pels Roosters: Melbourne ganha a Sydney: 46-0.
Lo divendres, per contra, St Jòrdi Illawarra batèt 13-12 los neozelandeses al punt en aur. Penrith ganhava 19-18 mercé a un tombat a la 78a minuta contra Parramatta que vesiá son tustaire mancar una penalitat sus la còrna.
Dissabte, se tornava a partidas inegalas amb las victòrias 66-0 de Manly a Canterbury, 44-6 pels Titans a Canberra e 38-0 per Newcastle que recebiá los Vaquièrs.
Dimenge, de partidas mai equilibradas: Brisbane batèt las Làmias: 26-18 e los Lapinons dispausèron dels Tigres: 38-22.
La granda question en Austràlia es de saupre se los Blaus ganharàn lo 14 la tresena partida dels Estats d’Origina o se Queensland salvarà l’onor.
Championship: Tolosa a Batley
Tolosa tornarà jogar aqueste dimenge 11 de julh a Batley, que punta per ara a la tresena plaça al classament. Remi Casty a anonciat que prendriá sa retirada de jogaire a la fin de la sason.
Las copas del Mond en question
Se sauprà lèu se las copas del Mond de XIII (òmes, femnas, cadieral) se tendràn plan aquesta tardor en Anglatèrra o se son remandadas a 2022. Las formacions del Sud son pas estrambordadas a l’idèa de venir en Euròpa aquesta tardor.
Alan Roch
La jornada se faguèt a mièjas: doas partidas remesas en rason de la Covid; Castleford incapable d’alinhar una esquipa fàcia a Saint Helens e que pèrd per abandon. Quatrena desfaita en seguida per Wigan que pèrd sus sa pelena contra los Lops de Warrington: 40-14 e encadena, dimenge, amb una novèla desfaita cò dels Sants: 24-6.
Aqueste diluns 5, los Dragons an pas reçauput Hull KR que podiá pas venir a Perpinhan amb de jogaires en quarantena. Los Sang e Aur se preparan a una dobla confrontacion amb Leeds: aqueste divendres 9 en Anglatèrra; lo 16 a Perpinhan.
Lo capitani Benjamin Garcia, que joguèt talonaire cò dels Gigants, ven de signar per 3 novèlas sasons en sang e aur.
NRL: los Polets desossats
La jornada del campionat australian comencèt dijòus dins un estadi tornarmai sens espectators per una rosta pels Roosters: Melbourne ganha a Sydney: 46-0.
Lo divendres, per contra, St Jòrdi Illawarra batèt 13-12 los neozelandeses al punt en aur. Penrith ganhava 19-18 mercé a un tombat a la 78a minuta contra Parramatta que vesiá son tustaire mancar una penalitat sus la còrna.
Dissabte, se tornava a partidas inegalas amb las victòrias 66-0 de Manly a Canterbury, 44-6 pels Titans a Canberra e 38-0 per Newcastle que recebiá los Vaquièrs.
Dimenge, de partidas mai equilibradas: Brisbane batèt las Làmias: 26-18 e los Lapinons dispausèron dels Tigres: 38-22.
La granda question en Austràlia es de saupre se los Blaus ganharàn lo 14 la tresena partida dels Estats d’Origina o se Queensland salvarà l’onor.
Championship: Tolosa a Batley
Tolosa tornarà jogar aqueste dimenge 11 de julh a Batley, que punta per ara a la tresena plaça al classament. Remi Casty a anonciat que prendriá sa retirada de jogaire a la fin de la sason.
Las copas del Mond en question
Se sauprà lèu se las copas del Mond de XIII (òmes, femnas, cadieral) se tendràn plan aquesta tardor en Anglatèrra o se son remandadas a 2022. Las formacions del Sud son pas estrambordadas a l’idèa de venir en Euròpa aquesta tardor.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari