Actualitats
En Provença: l’antioccitanisme s’ocuparà de las cultura e lenga del país
Lo Collectiu Provença presidirà la comission Patrimòni, tradicions e lengas regionalas. L’Assemblada Occitana manifèsta son chepic
Tèxte legit
Lo president del Collectiu Provença, Jean-Pierre Richard, elegit sus la lista de drecha al poder de Renaud Muselier, es estat nomenat cap de la comission Patrimòni, tradicions e lengas regionalas per la region nomenada Provença-Alps-Còsta d’Azur.
Lo Collectiu Provença (escrivon “Collectif Prouvènço”) revendica la non-occitanitat de las lenga e cultura provençalas, e ne limita l’usatge al folclòre, mai que mai la bovina, la dança, la musica e los costums.
L’Assemblada Occitana a manifestat son inquietud dins un comunicat entitolat “Regionalas de 2021: lo pseudoprovençalisme menaça Provença“. Dins lo tèxt se remembra que lo Collectiu Provença a ja recebut de la region “1,5 milion d’èuros per lançar un «Observatòri de la Lenga Provençala»“ que “fa ges de trabalh seriós per espandir l’usatge dau provençau dins la societat modèrna: se situa completament en defòra deis organizacions provençalistas seriosas que son ben implantadas dins nòstra region coma l’Institut d’Estudis Occitans, lo Felibritge, lei Calandretas, la FÈLCO, Niça Pantais, Parlarem, lo Forum d’Òc, lo Conseu de la Lenga Occitana, etc.”
A mai, denóncian que lo Collectiu Provença “s’es pas jamai privat de portar prejudici a l’ensenhament de l’occitan cada còp que n’a agut l’ocasion”.
Lo Collectiu Provença (escrivon “Collectif Prouvènço”) revendica la non-occitanitat de las lenga e cultura provençalas, e ne limita l’usatge al folclòre, mai que mai la bovina, la dança, la musica e los costums.
L’Assemblada Occitana a manifestat son inquietud dins un comunicat entitolat “Regionalas de 2021: lo pseudoprovençalisme menaça Provença“. Dins lo tèxt se remembra que lo Collectiu Provença a ja recebut de la region “1,5 milion d’èuros per lançar un «Observatòri de la Lenga Provençala»“ que “fa ges de trabalh seriós per espandir l’usatge dau provençau dins la societat modèrna: se situa completament en defòra deis organizacions provençalistas seriosas que son ben implantadas dins nòstra region coma l’Institut d’Estudis Occitans, lo Felibritge, lei Calandretas, la FÈLCO, Niça Pantais, Parlarem, lo Forum d’Òc, lo Conseu de la Lenga Occitana, etc.”
A mai, denóncian que lo Collectiu Provença “s’es pas jamai privat de portar prejudici a l’ensenhament de l’occitan cada còp que n’a agut l’ocasion”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#20
Que'm pensi, estimat Eric, que lo gran Camelat que s'arreviraré hens lo son clòt, dobleban !
#15 arnegar = "jurer", "blasphémer". Praube Joan ! Qu'avetz contra los qui arnegan ? E hètz partida deus secutadors de la joena Milà ? Non m'estonaré pas de vos.
#17 E coneishetz lo sens deu mot "excepcion" en gramatica ?
#18 Que son sordeishs que l'IBG, donc. De manièra generau, l'IBG n'ataca pas l'ensenhament deu gascon, ja que i aja au son sen quauques extremistas com Pèir Vidau qui ac a avut hèit. Praubes provençaus, qu'ètz beròis dab monde atau.
"lo Collectiu Provença “s’es pas jamai privat de portar prejudici a l’ensenhament de l’occitan cada còp que n’a agut l’ocasion”. E òc, confirmi! Dau temps qu'ensenhavi au Liceu de Brinhòlas, lei sòcis locaus d'aqueu sinistre collectiu conselhàvon ai gents de pas inscriure seis enfants, vist "qu'ensenhavi l'occitan e pas lo prvençau". Ieu qu'ensenhavi lei doús grafias... (mai aquò lo sabién pas, vist que degun d'élei avié jamai mes lei pèds dins mei cors ).
Me sovèni d'un còup, qu'en Plaça Carami presentavi de libres, qu'una frema que sabié pas cu èri me venguèt dire tot lo mau possible dau cors dau liceu... Fasié que tornar dire çò que li avién mes en tèsta au cors de l'ecòla felibrenca locala.
Un autre còup, dins la glèia dau Vau, ausèri de gents que, en esperant lo començament de la pastorala, tenguèron lo meme discors, assetats just davant de ieu.
D'un autre caire, En Pèire Fabre, ex Capolier dau Felibritge, esitèt jamai à inscriure seis enfants. Aquélei extremistats l'aguèsson sachut, segur que l'aurién mandat en infèrn!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari