Actualitats
Canadà: una femna inuit ven la 30a governadora generala
“Compreni coma persona indigèna que i a de dolor e de patiment dins tota nòstra nacion”, çò a dich Mary Simon en tot èsser nomenada
Tèxte legit
L’activista inuit Mary Simon vendrà la 30a governadora generala de Canadà. Serà lo primièr còp qu’un autoctòn ocupa aquela foncion. Lo primièr ministre, Justin Trudeau, ne prepausèt la nominacion dimars passat a la reina britanica Elisabèt II, çò rapòrta The Globe and Mail.
“Ma nominacion es un moment istoric e inspirador per Canadà e es un pas important sul long camin devèrs la reconciliacion”, çò diguèt Simon. “Compreni coma persona indigèna que i a de dolor e de patiment dins tota nòstra nacion”, çò precisèt.
Mary Simon foguèt presidenta de l’organizacion nacionala inuit, Inuit Tapiriit Kanatami, e animatritz de ràdio. Pendent longtemps trabalhèt amb lo govèrn federal de Canadà en divèrses prètzfaches dont las politicas de retorn de tèrras, e percorreguèt tot lo país dins l’encastre d’una comission federala que cercava los mejans de melhorar los servicis de santat mentala.
En Canadà, lo governador general agís coma cap d’estat en representacion de la reina britanica. Dins lo passat, aquela carga l’ocupavan de nòbles britanics mas dempuèi 1952 se nomena de ciutadans qu’an rendut un servici public al país.
Reparacion après la constatacion de l’orror
La nominacion de Simon arriba après una descobèrta qu’a esmogut los canadencs, e mai que mai los pòbles autoctòns. A la fin de mai trobèron las rèstas de 215 còrses jos un dels pensionats per indigènas ont internavan los enfants per lor escafar la cultura e las tradicions. Entre los ans 1863 e 1998, lo govèrn canadenc raubèt 150 000 enfants de lors famihas amb aquela tòca e maites moriguèron dels maltractaments e de la fam.
“Ma nominacion es un moment istoric e inspirador per Canadà e es un pas important sul long camin devèrs la reconciliacion”, çò diguèt Simon. “Compreni coma persona indigèna que i a de dolor e de patiment dins tota nòstra nacion”, çò precisèt.
Mary Simon foguèt presidenta de l’organizacion nacionala inuit, Inuit Tapiriit Kanatami, e animatritz de ràdio. Pendent longtemps trabalhèt amb lo govèrn federal de Canadà en divèrses prètzfaches dont las politicas de retorn de tèrras, e percorreguèt tot lo país dins l’encastre d’una comission federala que cercava los mejans de melhorar los servicis de santat mentala.
En Canadà, lo governador general agís coma cap d’estat en representacion de la reina britanica. Dins lo passat, aquela carga l’ocupavan de nòbles britanics mas dempuèi 1952 se nomena de ciutadans qu’an rendut un servici public al país.
Reparacion après la constatacion de l’orror
La nominacion de Simon arriba après una descobèrta qu’a esmogut los canadencs, e mai que mai los pòbles autoctòns. A la fin de mai trobèron las rèstas de 215 còrses jos un dels pensionats per indigènas ont internavan los enfants per lor escafar la cultura e las tradicions. Entre los ans 1863 e 1998, lo govèrn canadenc raubèt 150 000 enfants de lors famihas amb aquela tòca e maites moriguèron dels maltractaments e de la fam.
Canada names first Indigenous governor generalhttps://t.co/JB4829v5PF#Canada#GovernorGeneral#MarySimonpic.twitter.com/sDRnYrM5tB
— The_Nation (@The_Nation) July 6, 2021
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Al Canada i a de causas que bolegan : la gobernadora generala, las enquèstas suls cementèris d'autoctònes abondats per la curatalha. Dins l'exagòn, s'espèra encara lo pagament de l'explotacion multiseculara dels esclaus e lo remborsament del panatòri sistematic d'Aiti qu'es pas sens responsabilitat amb la situacion que patis aquel pais, e causas autras. Alara, los masèls successius perpetrats en Occitania, pensatz ! Podèm esperar!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari