S’es aviada sus Change.org una iniciativa de collècta de signaturas per que totas las comunas occitanas ajan lor panèl tanben en occitan. La peticion es una iniciativa del Grop d’Accion del Comtat Venaicin, e precisa qu’Occitània se limita pas a la region que n’an pres lo nom, “mai es un vast territòri de cultura e lenga occitanas que va de Bordèu a Niça”.
 
Los iniciaires de la campanha creson que “l’utilizacion de senhalizacion bilingua [...] permet de metre endavant aquela riquesa que s’amaga quotidianament sota nòstreis uelhs”. Dins aquel sens insistisson qu’es important “de butar lei collectivitats localas a adoptar e metre en plaça de senhaleticas bilinguas sus l’ensemble dau territòri occitan, e de permetre ansin de metre mai endavant nòstre territòri d’un ponch de vist culturau, istoric, lingüistic e toristic”.
 
Podètz signar sus Change.org