Lo govèrn african de Gabon es lo primièr govèrn de la planeta que recebèt d’argent per sa populacion per aver pas polluit, o, dich d’un autre biais, per aver plan protegit sa selva e son environament. Tot aquò es dins los darrièrs acòrds internacionals de las Nacions Unidas coneguts coma acòrds CAFI (Central Africa Forest Iniciative). A l’ora d’ara, Gabon recebèt aperaquí 17 milions de dolars mas ne poiriá recebre lèu fins a 150 milions per son trabalh ecologic long de l’annada 2019.
 
Gabon es un país african que la majoritat de son territòri es ocupat per la selva (90%), e qu’absorbís plan las emissions de carbòni internacionalas. Aquò vòl dire qu’es un país qu’absorbís mai de dioxid de carbòni que ne produtz, e aquò es un prètzfach plan positiu segon las Nacions Unidas. Per estimular encara mai aquel tipe de païses e lors govèrns, l’ÒNU decidiguèt en 2019 de signar amb mai d’un l’acòrdi CAFI e d’aital los recompensar.
 
Car la selva es un element clau per absorbir las emissions de dioxid de carbòni. E lo govèrn de Gabon, en mai d’aquò, a tanben pogut demostrar fa gaire qu’aviá reduch la desforestacion d’una manièra importanta. Pr’amor d’aquò, sas emissions de dioxid de carbòni foguèron mendres durant los ans 2016 e 2017 que dins lo decenni anterior. Tot aquò es estat reconegut per las Nacions Unidas a travèrs d’aquel pagament.
 
Norvègia, a la demanda de las Nacions Unidas, es lo país qu’a donat l’argent al govèrn de Gabon segon una formula qu’estima las tonas que poiriá ara emetre Gabon sens aqueles prèztfaches positius. La rèsta de l’argent serà recebut per Gabon durant los ans venents. Aquela chifra correspond a mai del 0,1% del PIB annadièr de Gabon e, malgrat que siá una chifra encara pichona, lo govèrn de Gabon a reconegut qu’es un bon pas dins la bona direccion.
 
 
Un cambiament de direccion
 
Per començar de recebre aquel argent, Gabon a entamenat, aquestes darrièrs ans, un trabalh totjorn que mai actiu en favor de l’ecologia del país, en tot crear fins a 13 nòus pargues nacionals per protegir la fauna e la flòra gabonesas, en mai de perseguir d’un biais pus eficaç la desforestacion illegala. Mas, segon divèrsas organizacions ecologicas, li cal tanben recebre encara mai d’argent per ajudar a melhorar sa politica environamentala, pr’amor que la venda al nivèl internacional de la fusta gabonesa poiriá tanben plan créisser. (Legissètz la seguida).




 

---

Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.


 

Norway pays Gabon $17m for forest protection despite deforestation spikehttps://t.co/NL2UDYVQNb
Critics say the Gabonese government has done little to earn the money@globalforests@CAFISecretariat@RFUK@RainforestNORW@unreddpic.twitter.com/gsDDb1QW73

— Svein T veitdal (@tveitdal) June 29, 2021

 

It was great to chat to @BeckyCNN about Gabon's contribution to the fight against climate change and our partnership with Norway and @CAFISecretariatpic.twitter.com/Vd56qJOf36

— Prof. Lee White CBE (@LeeWhiteCBE) June 24, 2021

p