Actualitats
Chile comença de trabalhar sus la nòva Constitucion amb una femna mapuche en cap
La nòva Constitucion remplaçarà la de Pinochet e serà escricha per 155 membres de la societat civila, dont 17 representants indigènas
Tèxte legit
Una femna mapuche, Elisa Loncón, es la presidenta de la convencion ciutadana que redigirà la nòva Constitucion. Aquela nòva Constitucion remplaçarà l’actuala, impausada per Pinochet a la fin de sa dictatura. Loncón a pres possession de la carga en tot brandar un drapèl mapuche, e a promés un nòu Chile plurinacional e democratic, basat sul respècte dels dreches umans, feminista e que prenga suènh de las nacions originàrias, marginalizadas istoricament.
La convencion ciutadana que redigirà la nòva Constitucion del país es compausada de 155 membres dont 17 son de representants dels pòbles originaris: sèt mapuches, dos aimaras, un rapanui, un quicoha, un atacama, un diaguita, un còla, un kaweska, un iagan e un chango. Segon lo recensament de 2017, lo 12% de la populacion chilena es indigèna, dont l’80% son de mapuches. Elisa Loncón, que representa dins la convencion lo pòble mapuche, es professora universitària.
En octòbre passat, los chilens votèron a una larga majoritat de remplaçar la Constitucion actuala, redigida pendent la dictatura d’Augusto Pinochet. A mai, gaireben lo 80% dels votaires decidiguèron tanben que la nòva Constitucion foguèsse escricha solament per de ciutadans sens que i aguèsse de representants parlamentaris.
La convencion ciutadana que redigirà la nòva Constitucion del país es compausada de 155 membres dont 17 son de representants dels pòbles originaris: sèt mapuches, dos aimaras, un rapanui, un quicoha, un atacama, un diaguita, un còla, un kaweska, un iagan e un chango. Segon lo recensament de 2017, lo 12% de la populacion chilena es indigèna, dont l’80% son de mapuches. Elisa Loncón, que representa dins la convencion lo pòble mapuche, es professora universitària.
En octòbre passat, los chilens votèron a una larga majoritat de remplaçar la Constitucion actuala, redigida pendent la dictatura d’Augusto Pinochet. A mai, gaireben lo 80% dels votaires decidiguèron tanben que la nòva Constitucion foguèsse escricha solament per de ciutadans sens que i aguèsse de representants parlamentaris.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquesta novèla trascendentala, los mèdias d'Estat la passan jos silenci. Nos fan venir cabra amb lo virus, la vaccinacon, la 4a èrsa, las vacanças ipotecadas e saure se lo Trump se poirà presentar a las eleccions de 2024. Cal agitar la pelha roja davant lo morre del pòble e sustot mostrar pas d'exemples que revèlan que la Vèna Republica es una semblademocracia a la mòda del sègle XIX amb lo circ versalhés d'un president-rei, enrodat de sa Cort, que vòl acaparar totes los poders.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari