Actualitats
Japon: detenguda per aver tirat amb un pistolet d’aiga sus la tòrcha olimpica
Los Jòcs Olimpics de Tòquio son pas benvenguts per una partida considerabla de la populacion que n’exigisson l’anullacion a causa de la pandemia
Tèxte legit
An detengut en Japon Kayoko Takahashi, una femna de 53 ans, per aver ensajat d’amortar la tòrcha olimpica amb un pistolet d’aiga. Mentre que la tòrcha corriá per la vila de Mite, Kayoko Takahashi èra dins la molonada que l’aculhissián e, quand passèt, li tirèt d’aiga dessús en protèsta contra l’eveniment esportiu.
Los Jòcs Olimpics de Tòquio son pas benvenguts per una partida considerabla de la populacion que n’exigisson l’anullacion a causa de la pandemia. Los jòcs se tendràn del 23 de julhet al 8 d’agost a un moment que lo govèrn a declarat l’estat d’urgéncia sanitària. Los organizaires an decidit que l'eveniment se tendrà sens public. De soslinhar que sonque lo 14% de la populacion es vaccinada de tot en tot.
Los Jòcs Olimpics de Tòquio son pas benvenguts per una partida considerabla de la populacion que n’exigisson l’anullacion a causa de la pandemia. Los jòcs se tendràn del 23 de julhet al 8 d’agost a un moment que lo govèrn a declarat l’estat d’urgéncia sanitària. Los organizaires an decidit que l'eveniment se tendrà sens public. De soslinhar que sonque lo 14% de la populacion es vaccinada de tot en tot.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aqueles terroristas son tras que dangieroses. Vòlon perturbar la sòm dels accionaris de Coca Cola. Es inacceptable. Los cal condemnar a la cadena perpetuala.
Lo govèrnament japonés, e lo mond politic e dels afars tot, se foton del desir del pòble japonés de voler pas de jòcs olimpics dins las circonstàncias actualas. Mas coma quitan pas de predicar lo Dominique Seu, lo Nicolas Boson e l'Elie Cohen, sus totes los fenestrons e autres ecrans, lo vertadièr malaute del Covid es lo mercat. E los JO son un afar de mercat.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari