La presidenta de la region qu’a pres lo nom d’Occitània, Carole Delga, es estada elegida presidenta de las Regions de França, una associacion que representa las regions administrativas davant las autoritats publicas francesas e europèas.
 
Lo resultat de las eleccions regionalas daissèt un equilibri d’uèch presidents per l’esquèrra e d’uèch per la drecha. Aquela egalitat solament la podián trencar Guadalope, governada pel partit macronista LREM, e Corsega, ont an ganhat los sobeiranistas. Enfin, gràcies als còrses, Delga s’es impausada sus Renaud Muselier, president de la region dicha Provença-Alps-Còsta d'Azur, dels Republicans, que serà lo vicepresident de l’associacion. Totun, a causa de l'egalitat de las fòrças, a la mitat del mandat, la presidéncia passarà a Hervé Morin, president centrista de la region de Normandia, del temps que Delga vendrà vicepresidenta.
 
Una de las iniciativas que menarà a bon tèrme l’associacion serà de redigir un libre blanc, que s’acabarà dins la davalada e que demandarà una nòva descentralizacion a l’estat francés. Lo document se remetrà als candidats a l’eleccion presidenciala de 2022. La proposicion compren, segon Delga, “una autonomia per Corsega e los territòris insulars”.
 
 
 

Très fière de mettre mon volontarisme et ma force de travail au service d’une nouvelle décentralisation, gage d’action pour tous les Français.
Ensemble, répondons mieux aux problèmes quotidiens de nos concitoyens comme aux grands changements sociaux et environnementaux. https://t.co/eoXBMeJq4E

— Carole Delga (@CaroleDelga) July 9, 2021