Almens 52 personas serián mòrtas, e mai d’un trentenat de nafradas, dins l’incendi d’una usina en Bangladèsh. La polícia e de testimònis an raportat que lo fuòc comencèt dijòus 8 de julhet devèrs 17 oras (13 oras en Occitània) a l’usina d’Hashem Foods, que fabrica mai que mai de bònas, de nolhas e de chucs de frucha. De nombroses obrièrs sautèron per las fenèstras per escapar a las flamas.
 
Los incendis e escrancaments de bastissas son frequents en Bangladèsh, a causa del non-respècte de mesuras e nòrmas de seguretat. En febrièr de 2019, almens 70 personas moriguèron dins un grand incendi dins un immòble d’apartaments ont se depausava illegalament de produches quimics. De remembrar las 1021 victimas mortalas dins l’esfondrament d’un edifici lo 24 d’abril de 2013. Se considèra coma lo pièger accident de trabalh de l’istòria de Bangladèsh.
 
 

A massive blaze in a Bangladesh factory has killed three people and injured at least 30 with some people jumping from the upper floors to escape the firehttps://t.co/XjQuqz4svkpic.twitter.com/LZfuNfFgEL

— AFP News Agency (@AFP) July 9, 2021