Actualitats
Bulgaria: un partit populista antisistèma a ganhat las eleccions
L’ex-primièr ministre Boiko Borisov, conservator, a perdut amb solament una diferéncia del 0,2% dels vòtes
Tèxte legit
Un partit populista e antisistèma nomenat I a un Tal Pòble a ganhat las eleccions legislativas d’aqueste dimenge passat en Bulgaria amb gaireben lo 24% dels vòtes. Lo partit es dirigit pel presentaire de television e cantador Slavi Trifonov, un dels òmes pus populars del país. L’ex-primièr ministre Boiko Borisov, conservator, a perdut amb solament una diferéncia del 0,2% dels vòtes. De lor caire, lo Partit Socialista a obtengut lo 13,5% dels vòtes e lo Partit Liberal Anticorrupcion Democratica de Bulgaria lo 12,6%.
S’agís de las segondas eleccions fachas en Bulgaria en tres meses. En abril se votèt, mas Borisov foguèt incapable de bastir un govèrn de coalicion. Ara Trifonov assegura que son partit cèrca pas de far un govèrn de coalicion, mas d’“assumir una responsabilitat politica”, e que prepausarà al parlament un govèrn minoritari.
Aquestas son las primièras eleccions que Borisov pèrd dempuèi 2009. Lo partit de Trifonov aviá consagrat sa campanha a acusar de corrupcion la formacion de Borisov. De fach, las manifestacions que demandavan la demission de Borisov per corrupcion foguèron plan nombrosas dins la tardor.
S’agís de las segondas eleccions fachas en Bulgaria en tres meses. En abril se votèt, mas Borisov foguèt incapable de bastir un govèrn de coalicion. Ara Trifonov assegura que son partit cèrca pas de far un govèrn de coalicion, mas d’“assumir una responsabilitat politica”, e que prepausarà al parlament un govèrn minoritari.
Aquestas son las primièras eleccions que Borisov pèrd dempuèi 2009. Lo partit de Trifonov aviá consagrat sa campanha a acusar de corrupcion la formacion de Borisov. De fach, las manifestacions que demandavan la demission de Borisov per corrupcion foguèron plan nombrosas dins la tardor.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Peu moment, la blonda qu'ei darrèr Macron au prumèr torn, las soas intencions de vòte que son au 22 %, que baisha drin a drin tota setmana, e au segonda torn, n'ei pas la pena de'n parlar, se continua atau qu'auram un segond torn Macron - Bertrand.
#3 Me pensi pas qu'aurem lo Zemmour e sei faissistas a la presidenciala que vèn emai se se presenta. Pòu pas encara ganhar. Mai degun dobtas que tre que Le Pen aurà capitat gràcias ai politicas macronistas e ai politicas anti-senèstristas, anti-minoritats e anti-sciéncias qu'an menat, serà una via dirècta fins a una drechisacion encara mai radicala de l'espai politic...
Farà coma en Polonha monte lo poder dau partit Drech e Justícia ajudèt la creissença dau partit Confederacion qu'es quasi dubèrtament faissista, tanben libertarian, monarquista e ultra-conservator.
En França poiriá faire parier. Vuei viam ben la fin dau Frònt Republican. La faissisacion de l'espai public e politic foguèt menat còntra lei partits de senèstra vists coma "islamo-senèstristas" e autrei cauvas complotistas e faissistas. Lei minoritats en particular musulmanas e transgenre d'aquesta passa son estadas amiradas. La polícia es venguda una institucion "republicana" e que se pòu pas criticar. De valors "republicanas" e religiosas son estadas inventadas e la senèstra borgesa es estada servada per la drecha radicala dau poder e dei partits per pantaisar la menaça d'una "senèstra novèla e identitària"...
Tot es en plaça per que lo faissisme creisse e se desvolopa... E s'aurem pas Zemmour ara, es probable que l'aguem dins un avenidor pròche...
#1 M'agradaria de m'engana mas per la presidenciala que ven vèsi pièger : riscaria plan d'èsser Zemmour. Encara mai baug que la filha Le Pen e d'una arrogancia pus que macroniana, veirètz !
(corregit)
Lo trumpisme s’espandís. Los govèrnaments successius daissan pas d’autra sortida als escandalizats de la corrupcion e de la somission al poder de l’argent. La plotocracia gaita d’o controlar tot. A la fin, lo pòble manda lo còp de pè de l’ase al sistèma. Benlèu n’i a per se calcinar de la situacion, mas es lo resultat logic. En 2017 votèri blanc per çò que me diguèri : 5 ans de Macron es preparar l’arribada de Le Pen lo còp que ven. E ben ne sèm pas luènh pecaire !
Lo trumpisme s’espandís. Los govèrnaments successius daissan pas d’autra sortida als escandalizats de la corrupcion e de la somission al poder de l’argent. La plotocracia gaita d’o controlar tot. A la fin, lo pòble manda lo còp de pè de l’ase al sistèma. Benlèu n’i a per se calcinar de la situacion, mas es lo resultat gic. En 2017 votèri blanc per çò que me diguèri : 5 ans de Macron es preparar l’arribada de Le Pen lo còp que ven. E ben ne sèm pas muènh pecaire !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari