Actualitats
Macron anóncia lo vaccin obligatòri pels professionals de la santat
L’obligacion se poiriá estendre a totes los ciutadans, en foncion de l’evolucion de la pandemia
Tèxte legit
Totes los professionals de la santat de l’estat francés, e los que trabalhan en contacte amb de personas vulnerablas, se devon vaccinar obligatòriament abans lo 15 de setembre. O anoncièt diluns passat lo president de la Republica Francesa, Emmanuel Macron, dins una compareissença publica per anonciar las nòvas mesuras presas fàcia a l’aument d’infeccions de covid-19, mai que mai de la varianta dèlta.
L’obligacion del vaccin se poiriá estendre a totes los ciutadans, en foncion de l’evolucion de la pandemia, çò diguèt Macron qu’encoratgèt totòm a se far vaccinar. A mai, anoncièt que dins la rintrada començariá una campanha d’injeccion de tresenas dòsis pels que se comencèron de vaccinar en genièr o febrièr.
En mai d’aquò, Macron tanben anoncièt qu’a comptar de la davalada caldriá pagar los provaments PCR, franc de las prescripcions medicalas, amb la tòca d’encoratjar la vaccinacion.
A partir del 21 de julhet lo certificat digital covid se poirà demandar per accedir als espacis ont i aja mai de 50 personas. Totes los ciutadans de mai de 12 ans deuràn presentar un certificat de vaccinacion o un provament negatiu de covid-19 per intrar dins un espectacle, un pargue d’atraccions, un concèrt, un festenal... A partir d’agost aquò serà necite per intrar dins los restaurants, centres comercials, avions, trens, espitals...
L’obligacion del vaccin se poiriá estendre a totes los ciutadans, en foncion de l’evolucion de la pandemia, çò diguèt Macron qu’encoratgèt totòm a se far vaccinar. A mai, anoncièt que dins la rintrada començariá una campanha d’injeccion de tresenas dòsis pels que se comencèron de vaccinar en genièr o febrièr.
En mai d’aquò, Macron tanben anoncièt qu’a comptar de la davalada caldriá pagar los provaments PCR, franc de las prescripcions medicalas, amb la tòca d’encoratjar la vaccinacion.
A partir del 21 de julhet lo certificat digital covid se poirà demandar per accedir als espacis ont i aja mai de 50 personas. Totes los ciutadans de mai de 12 ans deuràn presentar un certificat de vaccinacion o un provament negatiu de covid-19 per intrar dins un espectacle, un pargue d’atraccions, un concèrt, un festenal... A partir d’agost aquò serà necite per intrar dins los restaurants, centres comercials, avions, trens, espitals...
La Nation doit une réponse à ceux qui ont été le plus touchés par la crise. À notre jeunesse, qui a tant sacrifié alors qu’elle risquait peu pour elle-même. À nos aînés, qui plus que les autres ont craint pour leur vie. pic.twitter.com/ThI91q1gzK
— Emmanuel Macron (@EmmanuelMacron) July 12, 2021
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#11
La causida es al primièr torn. Macron representa quitament pas un 15 del cent dels inscriches. Lo demai, al 2nd torn, son de vòts prestats per evitar la Le Pen.
#13 Ieu ai la quica dura quand escoti las intervencions de Macron a la TV, sas prepausicions per combatre la covid son pro bonas. Sabi pas tròp ont es lo problèma. Lo President a trobat de solucion, ara las cal aplicar. Compreni pas perqué cercatz miègjorn a 14 oras...
#9 Malurosament soi pas papy. Boomer tanpauc. Sètz una marrida endevinaira. Lo problème es pas de saber quant de temps ai. Per ieu lo problèma es que compreni pas los franceses. A la debuta quand i aviá pas pro de mascas ne volián. Ara, n'i a a bodre e ne vòlon pas pus o se la meton jol nas. La masca jol nas es tant eficaç coma lo preservatiu al guinhaire. Sèm al sègle 21 e tòrnan l'escurantisme e l'irracionalitat. Lo mond se'n chauta del bilanç de la pandemia : 110.000 mòrts en França e 4.OOO.OOO dins lo mond : çò mai important es anar al restaurant o a l'estanquet sens masca ( al nom de la libertat ) e contaminar los autres ( al nom de la libertat ). En mai d'aquò ai pas enveja que mos impòstes serviscan a ajudar totes aqueles esterlucats.
mantunas manifestacions dins mantunas vilas de frança contra l'auweis sanitari : fuòc de palha o fuòc de garrosta ?
De se rementar doas causas.
Macron fusquèc eligit ambe 44% dels enscriches. D'aqui a un nivèl de representativitat mendre.
Se son eleccion es legisme (légitime) es pas un representent del pòble
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari