Actualitats
Eth barrament deth Portilhon hè a anullar era Vielha Cycling Tour
Era populara corsa ciclista ère prevista entath 24 de junh, mès er estat francés qu’a decidit de barrar era termièra indefinidament
Tèxte legit
Eth Club Cicilista de Vielha qu’a anullat era corsa Vielha Cycling Tour prevista entath 24 de junhsèga a causa deth barrament deth Portilhon. “Dempús d’un an de trabalh incessant, de reünions, d’arrepòrts presentadi as autoritats araneses, catalanes e franceses e damb toti es permisi concedidi... era prefectura de Nauta Garona mos a comunicat qu’eth govèrn centrau francés a decidit eth barrament indefinit dera termièra en sòn pas peth Portilhon”, ce ditz eth comunicat des organizaires dera corsa ciclista.
Era sindica d’Aran, Maria Vergés, e eth baile de Bossòst, Amador Marqués, demanèren en fin de junh per dusau viatge ath prefècte deth departament de Nauta Garona era redubertura d’aqueth punt termierèr entre Quate Lòcs e Luishon qu’er estat francés barrèc per ua suspectada “menaça terrorista”. Se tracte dera carretèra D618A deth costat luishonés e N141 deth costat aranés.
FM
Era sindica d’Aran, Maria Vergés, e eth baile de Bossòst, Amador Marqués, demanèren en fin de junh per dusau viatge ath prefècte deth departament de Nauta Garona era redubertura d’aqueth punt termierèr entre Quate Lòcs e Luishon qu’er estat francés barrèc per ua suspectada “menaça terrorista”. Se tracte dera carretèra D618A deth costat luishonés e N141 deth costat aranés.
FM
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari