capçalera campanha

Actualitats

InternacionalPoliticaSocietat

Durant son audiéncia, l’avocata basca Naia Zuriarrain denóncia de torturas

Ela e los autres avocats an assegurat que lors declaracions fachas après las torturas non devon pas demostrar que fasián partida del grop armat ÈTA

Tèxte legit

Esglasianta audiéncia de l’avocata basca Naia Zuriarrain qu’a detalhat las torturas que, detenguda en abril de 2010, subiguèt entre las mans de la Gàrdia Civila espanhòla per fin que se declarèsse colpabla de far partida d’ÈTA. Zurriarain foguèt arrestada per mandat del jutge Fernando Grande-Marlaska, qu’es a l’ora d’ara lo ministre de l’Interior espanhòl. Aqueste acusava los avocats dels presonièrs d’ÈTA d’èsser membres del grop armat. Zuriarrain aviá ja denonciat las torturas après sa detencion mas alavetz Grande-Marlaska archivèt la denóncia. Ela e los autres avocats an assegurat durant lor audiéncia que lors declaracions fachas après las torturas non devon pas demostrar que fasián partida del grop armat.
 
En sanglotant, Zuriarrain a explicat cossí la maltractèron quand èra tota nuda. “Me toquèron las popas, tot lo còrs… Un gàrdia civil me quichèt sos genitòris contra lo cuol e… faguèron a tot moment de comentaris de natura sexuala, en m’umiliar, en m’insultar”.
 
En seguida, l’avocata explica cossí la cobriguèron d’una sòrta de mossa que li envolopava tot lo còrs e puèi, amb de riban adesiu, li embalèron tot lo còrs franc del cap que patiguèt de còps d’aiga glaçada e d’estofaments amb un sac, segon la declaracion que podètz veire dins lo vidèo publicat çai jos. Après las torturas, li faguèron aprene tot çò que deviá respondre dins sa declaracion. “Se respondiái pas coma eles voliá, me menaçavan a tot moment en dire que me tornariá arribar çò meteis que m’èra arribat”.
 
 
 
 
abonar los amics de Jornalet
 
 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Ròdrigo Bigòrra
5.

#4 Adixatz , aquerò qu'ei vertat mès n'ei pas era madeixa causa , çò que voi diser qu'ei era deriva de ETA de cap a'ra superioritat der'arraça basca en pormor d'aquerò que son pareilh qu'eths nazis, que vòi hornir un element mes qu'ac cau saber qu'eths nazis e son vengut tath pais basco tà estudiar era puretat arraciala deths bascos e qu'agon contactes dab eths fondators deth nacionalisme basco .Après qui ago era deriva sanguinaria de ETA qu'i an tuat 850 personas deras quaus mainats ua holia puix era deriva mafiosa a ETA que'u cale moneda hèra de moneda entà seguir en eth sué combat de hòus donc que hason eth impòst arrevolucinari e'th qui non volèva pas pagar qu'èra assassinat coma era mafia dab eth (racket) .Tot eth monde drin sensat non podem pas sostier un moviment etstremista e mafios coma ETA era politica e era democracia que deven hèr'se sense nada violencia .

  • 2
  • 7
francesc palma
4.

Lo 18 de juliol fa 85 ans del cop d'estat franquista que capitet amb l'ajuda del nazis alemanys e de los fachistas italians qu' ajuderon amb totas las sevas forças als militars golpistas espanhols. L'Estat Espanyol encara no ha pogut obtenir las libertats que perdet, pels motius coneguts de las dificultats democraticas en la transicion qu' impediren qu' i agués una depuracion de lo poder de la judicatura, militar e policial. E encara passan aquestas barbaritats de torturas a advocats que defensan las ideas qu' als jutges del pp non agradan. Deman plan d'Ajuntaments de l'estat posaran la bandiera a mietjas en senhal de protesta.

  • 4
  • 1
Ròdrigo Bigòrra
3.

eth mié comentari qu'ei esconut per que ,non vs pas gòi d'ac saber qu'eth monde de ETA qu'èran pròche deths nazis, per contra en eth pais Basco eth PNV (parti nacionalista basco ) eth n'a pas tuat a arris e que ganha era eleccions a cada còp .

  • 0
  • 14
Ròdrigo Bigòrra
2.

Adixatz , qu'ei triste de veger que 15 leguidors deth jornalet que sostinen eths assassins de ETA , que'm pausi era question , aumens qu'eth "occitanisme" devien ua ideologia communista arrevolucionaria e nacionalista coma eths de ETA ?

  • 0
  • 21
Ròdrigo Bigòrra
1.

Adixatz, tòturas açò qu'ei encòra a provar Espanha coma eths autes pais der'union europenca qu'ei gaitada pera comission de Brutsela e'ra cor deths drets der'òmi ,tot aqueth monde de ETA que son tuaires en 30 ans que tuen 850 personas deras quaus mainats e nafrats per milierats handicapats a vita , que'm brombi d'un atentat en 1980 que costè era vita d'un chòi de 21 mes .Er'ideologia nacionalista aliada a'ra deth comunisme que s'apressa a'ra deth sègle vintau que comencè en Alemanha en 1939 .

  • 0
  • 24

Escriu un comentari sus aqueste article