Actualitats
Mai de risc de mòrt pels subrevivents de la covid-19
Mai d’un cercaire comencèron de sospechar que se debanava quicòm entre los subrevivents de la covid-19 car, après subreviure a la pandemia, patissián divèrsas malautiás grèvas
Un nòu estudi a analisat quin èra lo risc de mòrt entre los subrevivents de la covid-19 (compreses los qu’aguèron pas de besonh d’èsser espitalizats mas que tanplan la patiguèron) e a confirmat que lo risc de patir puèi de malautiás plan grèvas e de ne morir es plan naut. Per ansin, la pandemia poiriá provocar dins los ans venents mai de mòrts encara dins la populacion mondiala.
Mai d’un cercaire comencèron de sospechar que se debanava quicòm entre los subrevivents de la covid-19 car, après subreviure a la pandemia, patissián divèrsas malautiás grèvas. E per aquela rason se decidiguèt de far quel estudi. De cercaires de l’Escòla de Medecina de Washington a Sant Loís, doncas, estudièron quin èra lo risc de morir sièis meses après subreviure a la pandemia. La resulta foguèt estonanta pr’amor que mostrèt que lo risc es plan naut. E cal avertir d’aquò, çò diguèron, tota la populacion mondiala.
Per far aquel estudi, los cercaires analisèron las donadas de mai de 5 milions de malauts dont 87 000 qu’avián agut de besonh d’anar a l’espital pr’amor de la covid-19. La resulta de l’estudi foguèt puèi publicada dins lo numeric Nature. “Lo risc de patir una malautiá plan grèva après subreviure a la covid-19 es plan naut sonque sièis meses puèi, çò afirmèt Ziyad Al-Aly, professor de medecina. Lo long terme serà un problèma grand per la santat de milions de personas. E aquò es pas brica exagerat car mai de 30 milions d’estatsunidencs ne foguèron infectats”.
Segon aquel estudi, après subreviure a la covid-19, las personas que la patiguèron an un risc de fins al 60% de mai de mòrt sonque sièis meses après la malautiá. Alara lo nivèl es de l’8 per 1000 e aquò sonque entre los que subiguèron una COVID-19 sens gravetat. Als qu’aguèron de besonh d’èsser espitalizats lo risc arriba al 29 per 1000.
Plusors malautiás grèvas
Ansin, l’estudi a confirmat que las personas que patiguèron la covid-19 pòdon manifestar, a pena sièis meses puèi, de problèmas grèus de santat e patir de problèmas respiratòris grèus, de malautiás grèvas del sistèma nerviós, de depression, de problèmas de memòria, d’ansietat, d’esvelh, de diabète, d’obesitat, de colesteròl naut, de crisis cardiacas, de palpitacions, divèrsas malautiás del ren, una pèrda de pel e d’anemia, en mai de fatiga e d’una dolor generala.
Lo desvolopament d’aquelas malautiás après subreviure a la covid-19 arribèt fins al 50% pels malauts grèus de la pandemia mentre que los qu’avián pas patit de problèmas grèus podián desvolopar de grèus problèmas de santat a tèrme long. “D’èsser infectat per la covid-19 es plan grèu, car lo risc de patir puèi de grèvas malautiás es fòrça mai naut entre los subrevivents, çò diguèt Al-Aly. E lo risc de mòrt tanben es plan naut. Aquò déu èsser conegut per tota la populacion mondiala”.(Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Mai d’un cercaire comencèron de sospechar que se debanava quicòm entre los subrevivents de la covid-19 car, après subreviure a la pandemia, patissián divèrsas malautiás grèvas. E per aquela rason se decidiguèt de far quel estudi. De cercaires de l’Escòla de Medecina de Washington a Sant Loís, doncas, estudièron quin èra lo risc de morir sièis meses après subreviure a la pandemia. La resulta foguèt estonanta pr’amor que mostrèt que lo risc es plan naut. E cal avertir d’aquò, çò diguèron, tota la populacion mondiala.
Per far aquel estudi, los cercaires analisèron las donadas de mai de 5 milions de malauts dont 87 000 qu’avián agut de besonh d’anar a l’espital pr’amor de la covid-19. La resulta de l’estudi foguèt puèi publicada dins lo numeric Nature. “Lo risc de patir una malautiá plan grèva après subreviure a la covid-19 es plan naut sonque sièis meses puèi, çò afirmèt Ziyad Al-Aly, professor de medecina. Lo long terme serà un problèma grand per la santat de milions de personas. E aquò es pas brica exagerat car mai de 30 milions d’estatsunidencs ne foguèron infectats”.
Segon aquel estudi, après subreviure a la covid-19, las personas que la patiguèron an un risc de fins al 60% de mai de mòrt sonque sièis meses après la malautiá. Alara lo nivèl es de l’8 per 1000 e aquò sonque entre los que subiguèron una COVID-19 sens gravetat. Als qu’aguèron de besonh d’èsser espitalizats lo risc arriba al 29 per 1000.
Plusors malautiás grèvas
Ansin, l’estudi a confirmat que las personas que patiguèron la covid-19 pòdon manifestar, a pena sièis meses puèi, de problèmas grèus de santat e patir de problèmas respiratòris grèus, de malautiás grèvas del sistèma nerviós, de depression, de problèmas de memòria, d’ansietat, d’esvelh, de diabète, d’obesitat, de colesteròl naut, de crisis cardiacas, de palpitacions, divèrsas malautiás del ren, una pèrda de pel e d’anemia, en mai de fatiga e d’una dolor generala.
Lo desvolopament d’aquelas malautiás après subreviure a la covid-19 arribèt fins al 50% pels malauts grèus de la pandemia mentre que los qu’avián pas patit de problèmas grèus podián desvolopar de grèus problèmas de santat a tèrme long. “D’èsser infectat per la covid-19 es plan grèu, car lo risc de patir puèi de grèvas malautiás es fòrça mai naut entre los subrevivents, çò diguèt Al-Aly. E lo risc de mòrt tanben es plan naut. Aquò déu èsser conegut per tota la populacion mondiala”.(Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 N'èi pas arcastat a Joan Peiroton de non pas estar un "vertadèr gascon" (d'aulhors, qu'ei? Qu'ei complèxe a definir, ce'm sembla). Que l'èi arcastat de har comentaris sus çò qui's passa dens l'occitanisme bearnés (a prepaus deu Collectiu entaus Drets de la Lenga) tot en estant parisenc e en vivent a Perpinhan. N'ei pas gascon ni de neishença ni de residéncia e que's permet de parlar com se coneishè l'occitanisme bearnés. Qu'ei aquò qui l'arcastavi. Qu'ei tostemps parièr dab eth: ne compren pas jamei lo sens de çò d'escriut (cf. non i a guaire, quan credè que la question èra la representativitat de l'Assemblada occitana quan èra la representativitat de l'IÈO, deu Felibritge, de Parlaren, de Calandreta, etc). Malurosament, qu'èm acostumats a las soas intervencions desfasadas. Lo son blòg que ns'ac amuisha, ne sap pas rasonar corrèctament.
#2
Caratz-vse Joan Peiroton, enqüèra un còp que'vs reconeishem. Que'ns embrumatz a tot pip-pap mes be podetz compdar sus jo tà desmascà'vs a cada còp qui's posca e tà arrenvià'vs tà las shishanglas vostas.
Que cau díser Joan Peiroton qu'ei aqueste piro escuranhós qui voleré har experimentacions suu mond tà poder comparar los vaccinats e los non-vaccinats.
Que cau díser tanben Joan Peiroton que voleré qu'estóssem tots gallés, benlèu per'mor n'ei pas un Gascon vertadèr.
Òc valdriá lo còp de far un edtudi parièr sus vaccinats/non vaccinats
Enguera una messonja; Lo vaccin es mai dangeiros que la malaudia. Perqué an pas cerchar la differença entre los vaccinats e los non-vaccinats?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari