A causa de l’encarceracion de l’èx-president Jacob Zuma, de protèstas e de violéncias se tenon en Sud-Africa dempuèi divendres passat amb un bilanç d’almens 72 mòrts e mai de 1200 detenguts.
 
L’amplor de las protèstas a quitament interromput qualques servicis essencials coma los suènhs medicals del temps que los supermercats e las gasolinièras son comolas de mond que fan la coa per paur que dins los jorns avenidors desaparesca lo provesiment de manjar e de gasolina. L’armada s’es desplegada per carrièras e de ciutadans se son organizats per evitar los pilhatges. Las províncias pus afectadas pel caos son KwaZulu-Natal e Guateng, ont i a las vilas de Johannesburg e Pretòria.
 
Zuma foguèt president entre 2009 e 2018. Acusat de corrupcion, l’an encarcerat per aver refusat mai d’un còp de declarar davant los jutges. Son encarceracion a descadenat l’indignacion de fòrça ciutadans, qu’èran ja indignats envèrs lo govèrn actual a causa de la grèva crisi que la patís lo país. La pandemia a menat lo caumatge a un nivèl recòrd e la crisi economica e sanitària es inquietanta.
 

40+ people in South Africa have been killed during unrest since the jailing of ex-president Zuma. Police fired rubber bullets, arresting hundreds.

The unrest is linked to rising unemployment and poverty during COVID-19, which has worsened persistent post-apartheid inequalities. pic.twitter.com/gtZRn2luio

— AJ+ (@ajplus) July 13, 2021