Actualitats
Ajornada entà un aute an era 27u corsa Aran per sa Lengua
Ei eth dusau còp qu’era pandemia obligue er ajornament der eveniment que revendique cada an er usatge sociau dera lengua deth país
Tèxte legit
Era 27u edicion dera Corsa Aran per sa Lengua ei ajornada entà un aute an “per responsabilitat”, ce a anonciat eth collectiu Lengua Viua, a causa dera situacion sanitària pera covid-19. Enguan ei eth dusau còp qu’era pandemia obligue er ajornament der eveniment.
Era corsa Aran per sa Lengua ei ua manifestacion per usatge sociau dera lengua deth país ena quau fòrça aranesi trauèrsen era Val, a pè o en tot córrer. Es correires que gessen de Les, de Montgarri o deth Pòrt de Vielha e que s’amassen ath ser ena plaça de Vielha. Aquiu que se i amassen normaument un milèr de persones, e dempús des actes e des discorsi, un brave e animat concèrt que clave ua jornada que cada an ven istorica. Enguan, non ère previst eth tradicionau concèrt de Nadau mès de Sarabat e Alidé Sans.
Era corsa, que cada an se ten tostemp eth darrèr dimenge de junhsèga ei organizada peth collectiu aranés Lengua Viua. “Qui ten era lengua ten era clau”: qu’ei eth lèma d’aquera corsa, extrèt d’un poèma de Frederic Mistral.
FM
Era corsa Aran per sa Lengua ei ua manifestacion per usatge sociau dera lengua deth país ena quau fòrça aranesi trauèrsen era Val, a pè o en tot córrer. Es correires que gessen de Les, de Montgarri o deth Pòrt de Vielha e que s’amassen ath ser ena plaça de Vielha. Aquiu que se i amassen normaument un milèr de persones, e dempús des actes e des discorsi, un brave e animat concèrt que clave ua jornada que cada an ven istorica. Enguan, non ère previst eth tradicionau concèrt de Nadau mès de Sarabat e Alidé Sans.
Era corsa, que cada an se ten tostemp eth darrèr dimenge de junhsèga ei organizada peth collectiu aranés Lengua Viua. “Qui ten era lengua ten era clau”: qu’ei eth lèma d’aquera corsa, extrèt d’un poèma de Frederic Mistral.
FM
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La lenga gascona que s'i pòrta plan acerà, que hèn un bèth tribalh!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari