Actualitats
Rugbi de XIII: retrobadas reüssidas a Brutus
Los Dragons tornavan trobar de public en tribunas sens limitacion, mas amb la necessitat de presentar lo passapòrt sanitari
Alan Roch
Aqueste divendres de ser, los Dragons tornavan trobar de public en tribunas sens limitacion, mas amb la necessitat de presentar lo passapòrt sanitari. Es una vertadièra ovacion qu’aculhiguèt l’entrada dels jogaires sus la pelena aprèp Els Segadors représ en còr.
Los catalans dominan las primièras minutas. Ensacan una penalitat. Mas los Sang e Aur fan mòstra d’imprecision. Los angleses ne profièitan per marcar tres còps, menar 18-2 a la pausa e daissar los cinc mila sostens catalans descorats.
Lo quart d’ora al vestiari se revèla salutari pels Sang e Aur; tre la represa, Sam Kasiano marca en fòrça, amb quatre angleses sus l’esquina. Sam Tomkins se trapa a la recuperacion d’una candela de Drinkwater e manda Artur Morgue a l’ensag al pè dels pals. Lo segonda-linha Witley dintra dins la defensa anglesa coma un cotèl de la Guiòla per marcar. Aprèp una traucada de Fouad Yaha e una cordelada de passas, Tom Davies signa l’ensag dins son recanton. Coma Artur Morgue capita ben tres de las quatre transformacions, los Sang e Aur menan 24-18 a l’ora de jòc. En guisa d’assegurança, Sam Tomkins ensaca un tombat, puèi Morgue ajusta una penalitat per una victòria 27-18. Novèla partida a Brutus dissabte amb la recepcion dels finalistas de la Cup: Castleford.
Dins las autras partidas jogadas per ensajar de metre a jorn lo calendièr, Wigan ganha a Huddersfield 14-12 e Salford bat Wakefield 24-14.
La Cup perSaint Helens
Dissabte de vèspre, a Wembley, Featherstone ganhava la 1895-Cup (competicion del Championship e de la League One) fàcia a York: 41-34.
La finala de la granda Cup opausava Castleford e Saint Helens. L’RFL aviá obtengut l’autorizacion per 45 000 espectators dins las tribunas. Saint Helens èra lo grand favorit. Al cap de dètz minutas, lor mièg catalan Tèo Fages punta lo primièr ensag, mas a la pausa, son los Tigres que menan 12-6. A la represa, los Sants tornan a la marca, puèi prenon l’avantatge (26-12) per ajustar un trofèu a lor ric palmarés.
TO: un jorn, a Ernèst Wallon…
Aquò ven costumièr: lo Tolosa Olimpic s’es assabentat que Dewsbury vendriá pas jogar en país occitan aqueste dissabte 24. La partida es pas reportada, mas anullada! Aquò daissa de temps als Blau e Blanc de preparar lo desplaçament a Featherstone, l’autra formacion sens desfaita del Championship, pel 1r d’agost. Lo pilar Navarette (internacional francés, ex-Dragon e campion de Superliga amb Wigan) daissa Londres per portar tre ara las colors tolosanas duscas a la fin de la sason 2023.
Austràlia: Queensland a la una
En Austràlia, l’actualitat tretzista se debana en Queensland. Las mesuras novèlas de confinhament a Sydney e Melbourne an menat la tenguda del tresen Estats de las Originas en Queensland ont an mudat totas las formacions d’NRL per persègre la competicion valga que valga.
Dimècres, los Bordèu salvavan l’onor fàcia als Blaus de Nòvas Galas de sud en ganhant 20-18: dins una partida engatjada, la seleccion a l’arrièr de Kalin Ponga, autor d’una traucada decisiva, e los dos ensages del talonaire Ben Hunt fan la diferéncia: 20-18.
En campionat NRL, los primadièrs ganhan: Penrith contra los neozelandeses (30-16); los Lapinons contra Canberra: 32-24; Melbourne es plan mai fòrt que Newcastle (48-4) e los Polets van batre los Vaquièrs (34-18), alara que Parramatta dispausa dels Titans (26-8). De caps de fila que deurián perseverar dins la victòria amb las partidas d’aquesta fin de setmana.
Alan Roch
Los catalans dominan las primièras minutas. Ensacan una penalitat. Mas los Sang e Aur fan mòstra d’imprecision. Los angleses ne profièitan per marcar tres còps, menar 18-2 a la pausa e daissar los cinc mila sostens catalans descorats.
Lo quart d’ora al vestiari se revèla salutari pels Sang e Aur; tre la represa, Sam Kasiano marca en fòrça, amb quatre angleses sus l’esquina. Sam Tomkins se trapa a la recuperacion d’una candela de Drinkwater e manda Artur Morgue a l’ensag al pè dels pals. Lo segonda-linha Witley dintra dins la defensa anglesa coma un cotèl de la Guiòla per marcar. Aprèp una traucada de Fouad Yaha e una cordelada de passas, Tom Davies signa l’ensag dins son recanton. Coma Artur Morgue capita ben tres de las quatre transformacions, los Sang e Aur menan 24-18 a l’ora de jòc. En guisa d’assegurança, Sam Tomkins ensaca un tombat, puèi Morgue ajusta una penalitat per una victòria 27-18. Novèla partida a Brutus dissabte amb la recepcion dels finalistas de la Cup: Castleford.
Dins las autras partidas jogadas per ensajar de metre a jorn lo calendièr, Wigan ganha a Huddersfield 14-12 e Salford bat Wakefield 24-14.
La Cup perSaint Helens
Dissabte de vèspre, a Wembley, Featherstone ganhava la 1895-Cup (competicion del Championship e de la League One) fàcia a York: 41-34.
La finala de la granda Cup opausava Castleford e Saint Helens. L’RFL aviá obtengut l’autorizacion per 45 000 espectators dins las tribunas. Saint Helens èra lo grand favorit. Al cap de dètz minutas, lor mièg catalan Tèo Fages punta lo primièr ensag, mas a la pausa, son los Tigres que menan 12-6. A la represa, los Sants tornan a la marca, puèi prenon l’avantatge (26-12) per ajustar un trofèu a lor ric palmarés.
TO: un jorn, a Ernèst Wallon…
Aquò ven costumièr: lo Tolosa Olimpic s’es assabentat que Dewsbury vendriá pas jogar en país occitan aqueste dissabte 24. La partida es pas reportada, mas anullada! Aquò daissa de temps als Blau e Blanc de preparar lo desplaçament a Featherstone, l’autra formacion sens desfaita del Championship, pel 1r d’agost. Lo pilar Navarette (internacional francés, ex-Dragon e campion de Superliga amb Wigan) daissa Londres per portar tre ara las colors tolosanas duscas a la fin de la sason 2023.
Austràlia: Queensland a la una
En Austràlia, l’actualitat tretzista se debana en Queensland. Las mesuras novèlas de confinhament a Sydney e Melbourne an menat la tenguda del tresen Estats de las Originas en Queensland ont an mudat totas las formacions d’NRL per persègre la competicion valga que valga.
Dimècres, los Bordèu salvavan l’onor fàcia als Blaus de Nòvas Galas de sud en ganhant 20-18: dins una partida engatjada, la seleccion a l’arrièr de Kalin Ponga, autor d’una traucada decisiva, e los dos ensages del talonaire Ben Hunt fan la diferéncia: 20-18.
En campionat NRL, los primadièrs ganhan: Penrith contra los neozelandeses (30-16); los Lapinons contra Canberra: 32-24; Melbourne es plan mai fòrt que Newcastle (48-4) e los Polets van batre los Vaquièrs (34-18), alara que Parramatta dispausa dels Titans (26-8). De caps de fila que deurián perseverar dins la victòria amb las partidas d’aquesta fin de setmana.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Après la finale de la Cup, st-helens e Castleford son pertocats per virus.
En consequéncia, Castleford vendre pas a Perpignan ; St-Helens reçauprà pas Hull-KR.
La Super-Liga ne profita per faire jogar la partira reportada Dragons-Hull-KR aqueste dissabte a 6 oras del vèspre.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari