capçalera campanha

Actualitats

InternacionalSocietat

Vandalizats de centres de vaccinacion en Labord e Vercòrs

Dos centres de vaccinacion contra la covid-19 foguèron saquejats e puèi incendiats durant la dimenjada passada

Tèxte legit

Dos centres de vaccinacion contra la covid-19 foguèron saquejats pendent la dimenjada passada, un a Urrunha, en Bascoat Nòrd, e l’autre a Lans en Vercòrs, en Daufinat arpitan, çò rapòrta Le Monde.
 
A Lans, an incendiat la sala comunala, qu’èra abilitada per vaccinar los abitants d’aquela vila de 2600 abitants. Abans de l’incendiar, an saquejat lo mobilièr e mai las seringas e de compressas. Los assalhidors an signat l’ataca en i daissant de tags coma “1940”, “ARN=dangièr”, “Vaccin=genocidi” e la crotz de Lorena, simbòl de la resisténcia francesa. Pel cònsol màger de la vila, Michaël Kraemer, s’agís d’una “manca de respècte totala de l’istòria de Vercòrs”, naut luòc del maquis durant la Segonda Guèrra Mondiala. Lo centre de vaccinacion es desplaçat a l’ostal de la santat, çò rapòrta Le Dauphiné libéré. La gendarmariá a dobèrt una enquista.
 
A Urrunha, lo capitèl qu’aculhissiá lo centre de vaccinacion foguèt tanplan incendiat dins la nuèch de dissabte a dimenge. Lo procuraire de la Republica a sasit lo servici de la polícia judiciària de Baiona d’una enquista per destruccion volontària per incendi. Pel cònsol màger, Philippe Aramendi, “es benlèu tròp d’ora per saber s’es un afar dels antivaccins, mas s’es lo cas, es trist”. Dins aquel sens, Aramendi precisa que “la vaccinacion fa pas l’unanimitat mas que s’arribe a aqueste genre de faches es inacceptable!”. La campanha de vaccinacion reprendrà deman, çò rapòrta Sud Ouest.
 
 
De manifestacions contra lo passapòrt sanitari
 
Dissabte passat, mai de cent mila personas manifestèron dins tot l’estat francés contra lo passapòrt sanitari e la vaccinacion obligatòria que l’anoncièt lo president, Emmanuel Macron, lo 12 de julhet passat.
 
Pels manifestants, se pòt pas acceptar que totas las personas de mai de 12 ans degan presentar un certificat de vaccinacion o un provament negatiu de covid-19 per intrar dins un espectacle, un pargue d’atraccions, un concèrt, un festenal... Segon Macron, a partir d’agost aquò serà necite per intrar dins los restaurants, centres comercials, avions, trens, espitals...
 
 
 


abonar los amics de Jornalet

 

 
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

George Orwell
11.

#5 Los governaments ordoliberals d'Euròpa tota an vandalizat totes los servicis publics despuèi mai de trenta ans. Aquò, si qu'es vergonhós !

  • 0
  • 0
francesc palma
10.

La subnormalitat existeis, ja o sabiem. Hitler no passets del tercer de l'ensenhament secondari e mira on acabet. Cal educar plan planet a l'ignorancia, plan planin. Las carabassas son asseguradas, mai benlèu que qualcun es pudrà salvar. Veirem aquesta cola de dements que mai se'ls ocorr. Mas se non es volen vacunar, non podran anar a restaurans , ni en tren al poble vesin, ni en cap classa de tren. Ja s'o faran, daissar-los far,que la processó es larga e açò non fa mai que començar, caldrà logar i cadiretas.

  • 1
  • 0
MOSCA CANHISCA
9.

#2 Çò de toxic qu'ei la vòsta intolerància.

  • 3
  • 2
ltrobat
8.

#7 Quan èri au licèu, cada eslhève de terminau scientifica sabèva la diferencia enter ARN et ARN.

  • 9
  • 0
Maignial Galhac
7.

Tè! Encara de bogres de piòts que creson que la vaccinacion à ARNm es una terapia genica... Pr'aquò lo vaccin fa pas qu'imitar lo virus, mès ambe solamensa una pichoneta tròça del seu patrimòni genetique. Aquesta tròça a pas de sequença d'adreiçatge al nuclèu dels celulas, nimai de sequença d'insercion als cromosomes, e es pas acompanhat d'enzimas de retrotranscripcion per ne far d'ADN compatible ambe nòstre genòme. Fin finala, i a pas res per qu'una mudacion genetica se debane. Es pas tant aisit, la terapia genica. Si que non faria longtemps qu'auriam vencit las malautias geneticas...

  • 14
  • 0

Escriu un comentari sus aqueste article