Actualitats
Cam Over, lo “concors” per neutralizar de camèras de susvelhança
De grops d’activistas berlineses an prepausat de ne destruir tantas coma poiràn dins los espacis publics abans lo Congrès Europèu de la Polícia
La batalha entre las autoritats e los grops de defensa de l’intimitat, per impulsar o refusar lo desplegament de camèras de susvelhança dins los espacis publics, fa d’annadas que persistís. Ça que la, la lucha èra pas jamai arribada al nivèl de Berlin, ont un grop d’activistas a concebut un “jòc”, Cam Over, que consistís a neutralizar e destruir tantas camèras indiscretas coma se poirà, per carrièras, al mètro...
Los promotors de Cam Over, entrevistats pel jornal anglés The Guardian, considèran que per denonciar “la discriminacion que representan las camèras, que perseguisson sustot los joves, estigmatizats coma de criminals”, es melhor d’inventar un “jòc” que de manifestar. Segon lo jornal, n’an ja neutralizadas un cinquantenat, en un concors qu’autreja de ponches per cada camèra destruida e de bonificacions segon lo metòde imaginatiu aplicat.
Cam Over clavarà lo 16 de febrièr, just abans l’inauguracion a Berlin del Congrès Europèu de la Polícia.
Qualques organizacions alemandas, criticas amb la susvelhança vidèo dels espacis publics, an mostrat pasmens lor refús del metòde prepausat per Cam Over.
Los promotors de Cam Over, entrevistats pel jornal anglés The Guardian, considèran que per denonciar “la discriminacion que representan las camèras, que perseguisson sustot los joves, estigmatizats coma de criminals”, es melhor d’inventar un “jòc” que de manifestar. Segon lo jornal, n’an ja neutralizadas un cinquantenat, en un concors qu’autreja de ponches per cada camèra destruida e de bonificacions segon lo metòde imaginatiu aplicat.
Cam Over clavarà lo 16 de febrièr, just abans l’inauguracion a Berlin del Congrès Europèu de la Polícia.
Qualques organizacions alemandas, criticas amb la susvelhança vidèo dels espacis publics, an mostrat pasmens lor refús del metòde prepausat per Cam Over.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari