Los deputats Yannick Kerlogot e Christophe Euzet an remés lor rapòrt primèr ministre de França, Jean Castex, çò rapòrta lo blòg langue-bretonne.org que cita Le Télégramme. Castex los aviá missionat per “tirar totas las consequéncias” de la decision controversiada del Conselh Constitucional de censurar “l’ensenhament immersiu”
 
Aquel rapòrt conten una contribucion del cercaire Gwenole Larvol que met en question l’afirmacion del ministre de l’educacion Jean-Michel Blanquer segon la quala “l’ensenhament a paritat orària seriá mai benefic pels escolans que l’immersion”. Per Larvol, assegura que la proposicion de Blanquer ven andicapanta per ensenhaires e escolans. Defend l’ensenhament immersiu, mas dins una lenga de qualitat, e assegura qu’es “imperatiu de far passar l’ensenhament bilingüe francés - lengas «regionalas» d’una logica de paritat orària a una logica d’objectius pedagogics que liberarà enfin dins l’ensenhament public los apòrts novators del bilingüisme precòç”.