La Cort Europèa dels Dreches Umans (CÈDU) a condemnat Polonha per mancar al drech d’una avocata destituida a aver un jutjament just. La CÈDU, qu’a son sèti a Estrasborg, considèra que l’imparcialitat dels jutges poloneses que refusèron lo recors de l’avocata subissiá “d’interferéncias” del govèrn. “Es una menaça per l’estat de drech e per l’independéncia judiciària”, çò afirma la senténcia.
 
A mai, fa a pena una setmana, la Cort de Justícia de l’Union Europèa, que son sèti es a Luxemborg, demandèt la suspension provisòria de la cambra disciplinària de la Cort Suprèma polonesa. Pasmens, la Cort Constitucionala de Polonha declarèt inconstitucionala aquela suspension. Ara la Comission Europèa menaça de sancions Polonha s’aplica pas la resolucion de Luxemborg.
 
 
Tres condemnacions en tres meses
 
Aquesta condemnacion d’Estrasborg, qu’apond de pression sus Polonha, es la tresena en tres meses que la Cort dels Dreches Umans pronóncia contra l’influéncia del govèrn suls jutges poloneses.
 
Al mes de mai, la CÈDU considerèt que s’èra mancat al drech d’una societat d’aver un jutjament just, pr’amor que lo jutge qu’estudiava l’afar èra estat nomenat d’un biais “irregular”. Concretament, la senténcia d’Estrasborg criticava que lo fach que lo president de Polonha, Andrzej Duda, e lo parlament avián pas drech de nomenar lo jutge.
 
E en junh, lo tribunal estrarborgués denoncièt lo govèrn de Mateusz Morawiecki per aver empachat que dos vicepresidents d’un tribunal regional depausèsson un recors contra lor destitucion. En aquel cas, Varsòvia manquèt a lor drech d’accès a la justícia.


 

The European Court of Human Rights has handed out its judgment in the case Reczkowicz v. Poland, finding that the Disciplinary Chamber of the Supreme Court is not a tribunal established by law and thus in violation of Art. 6 par. 1 of the Convention (right to fair trial) pic.twitter.com/wAg4sxNlTr

— Jakub Jaraczewski (@J_Jaraczewski) July 22, 2021

The decision by Poland's compromised Constitutional Tribunal to reject EU court of justice rulings--at the behest of the ruling party--jeopardises the rule of law and human rights in Poland and across the EU, @HRW says. https://t.co/e1YT9H0GdRpic.twitter.com/Q547sHUFQH

— Ben Ward (@Benjamin_P_Ward) July 16, 2021