CAPÇALERA PAIS INVISIBLE

Actualitats

InternacionalPoliticaSocietat

Un elegit italian d’extrèma drecha a tuat un resident estrangièr

L’adjonch municipal portava un pistolet, e afirma que lo tir qu’abatèt la victima foguèt accidental. Salvini qualifica l’omicidi d’autodefensa

| Rai 1

Tèxte legit

Un adjonch municipal del partit d’extrèma drecha la Liga, Massimo Adriatici, tuèt dimars passat un òme de 39 ans a Voghera (Lombardia). La victima èra un migrant marroquin que foguèt tocat per un tir al pitre. Segon la premsa locala, la victima importunava una femna a l’exterior d’un bar e lo conselhièr municipal intervenguèt. Adriatici portava un pistolet, e afirma que lo tir que tuèt lo resident estrangièr foguèt accidental: segon el, lo pistolet auriá tirat tot sol en tombar pel sòl.
 
Massimo Adriatici, ancian comandant de polícia, es assignat a residéncia jos contraròtle judiciari mentre que se ten l’enquista que l’a dobèrta lo ministèri public per acte de defensa desproporcionat.
 
Pel secretari federal de son partit, Matteo Salvini, Adriatici foguèt “victima d’una agression” e agiguèt “en legitima defensa”. A mai, l’ancian ministre de l’Interior assolida qu’Adriatici “repliquèt accidentalament per un tir que malaürosament tuèt un resident estrangièr”, çò ditz dins un vidèo publicat suls rets socials.
 
De son latz, lo senator del Partit Democrata de centresquèrra Alan Ferrari, elegit de la meteissa region, assegura que “dins un país civilizat e democratic, un adjonch tira pas sus una persona”.
 
 
 

abonar los amics de Jornalet

 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Franc Bardòu
4.

"Adriatici portava un pistolet", mas totòm serà d'acòrdi subre aqueste : un pistolet non servís JAMAI per tuar degun. Servís sonque per far venir las flors e los nenets al país dels potonorses… S'agís absoludament d'un accident ! Qui ne dobtariá ?

Se seguissèm lo fial del rasonament de Salvini, totòm a lo dreit, fin finala, de se passejar amb un flingue e de traucar la pèl a l primièr "estrangièr" vengut, tre que sembla far quicòm que nos desagrada o que non comprenèm pas…

Ben venguts al cementèri e atencion de non trabucar subre un cadavre ! Son los voltres que se van poder tranquillament apasturar…

  • 7
  • 2
Franc Bardòu
3.

Adriatici portava un pistolet, e afirma que lo tir que tuèt lo resident estrangièr foguèt accidental : segon el, lo pistolet auriá tirat tot sol en tombar pel sòl, abans de partir, amb sas cambòtas valetonas, tuar totes los embestiaires de femnas d'origina reputada "estrangièra". Los pistolet de uèi ne t'an una, de volontat ! Non es pas de creire ! A quand los pistolets que faràn calar — sense los tuar — totes los fascistas que nos prenon per d'ases ?

  • 9
  • 2
francesc palma
2.

Los fachas son subnormals que cal ficar a un manicomi, siquiatric o preson

  • 2
  • 0
Amīcus Emmanuelis Macrōnis Cīvitās Erōtica Sēnsuālitātis
1.

"la victima importunava una femna"

  • 2
  • 22

Escriu un comentari sus aqueste article