Actualitats
Tunisia: lo president a destituit lo primièr ministre e suspendut lo parlament
Per carrièras de manifestants o festejan. Pasmens, lo partit majoritari Ennahdha denóncia “un còp d’estat contra la revolucion e la Constitucion”
Tèxte legit
Lo president de Tunisia, Qais Suʿayyid (sovent transcrich KaisSaied), a destituit lo primièr ministre, Hisham Am Mashishi (sovent transcrich HichemMechici), après las protèstas contra la gestion de la crisi economica. La crisi s'es agreujada après una flambada de covid-19, e ara Tunisia —un país de 12 milions d’abitants— enregistra ja mai de 18 000 mòrts de la pandemia. Suʿayyid a levat l’immunitat de totes los parlamentaris, çò rapòrta l’agéncia d’informacions tunisiana TAP.
Diluns de ser, las carrièras de Tunis èran plenas de manifestants que festejavan la decision presidenciala, e daissèron d’imatges qu’evocavan la Revolucion del Jansemin de 2011, que tombèt lo dictator Bin Ali.
Ça que la, Ennahdha, partit majoritari del país, acusa lo president Suʿayyid d'èsser putschista: “Es un còp contra la revolucion e la Constitucion”, çò denóncia Rashid Al Ghannushi (o RachedGhannouchi), president de la formacion islamista moderada que fasiá partida del govèrn destituit.
Segon Al Jazira, la polícia tunisiana a assautat sa delegacion a Tunis, e fòrabandit tot lo personal.
Diluns de ser, las carrièras de Tunis èran plenas de manifestants que festejavan la decision presidenciala, e daissèron d’imatges qu’evocavan la Revolucion del Jansemin de 2011, que tombèt lo dictator Bin Ali.
Ça que la, Ennahdha, partit majoritari del país, acusa lo president Suʿayyid d'èsser putschista: “Es un còp contra la revolucion e la Constitucion”, çò denóncia Rashid Al Ghannushi (o RachedGhannouchi), president de la formacion islamista moderada que fasiá partida del govèrn destituit.
Segon Al Jazira, la polícia tunisiana a assautat sa delegacion a Tunis, e fòrabandit tot lo personal.
Streets of #Tunis right now following President Kais Saied’s speech announcing removal of PM and freezing of parliament pic.twitter.com/A7wNE9kABy
— Francesca Ebel (@FrancescaEbel) July 25, 2021
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Val pas la pena de pèrdre son temps e son energia amb de manipolaires-provocators coma aquel AMICUS MACRONIS . Es pas aqui per debatre, reflexionar o perpensar. Son plaser grandàs es de vos atissar amb lo simbèu d'aquel Macroconàs per vos far virar en borrica. Gardatz-vos plan de vos agantar dins las trapèlas d'aquel malaut !
Cal que la França s'ocupe d'aquel afar, Macron pòt reglar los problèmas en Africa del Nòrd sensa cap dificultat.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari