Actualitats
Nos a quitats Otelo Saraiva de Carvalho, cap de la Revolucion de las Girofladas
Desquilhèt la dictatura eiretada de Salazar e marquèt tanben la fin del colonialisme portugués
Tèxte legit
Lo capitani Otelo Saraiva de Carvalho, un dels militars mai determinants de la Revolucion de las Girofladas, nos quitèt dimenge passat, 25 de julhet, a 84 ans. Foguèt el que perpensèt e planifiquèt lo plan d’operacions militaras que permetèt, lo 25 d’abril de 1974, de metre lo ponch final a la dictatura mesa en plaça per António d’Oliveira Salazar.
Son ostal venguèt lo centre de reünions e amassadas ont s’organizèt lo còp contra la dictatura portuguesa, e el foguèt elegit responsable del comitat executiu del movement de las fòrças armadas qu’afrontèron la dictatura. L’operacion militara que lo planifiquèt consistissiá a assetjar la casèrna de Carmo, ont i aviá lo primièr ministre Marcello Caetano, qu’aviá succedit a Salazar e que se rendèt.
Lo 24 d’abril de 1974, a 11 oras del ser, la ràdio Emissores Associados de Lisbona emetiá la cançon E depois do Adeus. Èra lo primièr senhal que tot èra prèst. Los oficièrs del Movement de las Fòrças Armadas (MFA) anèron al pòst de comandament. A 4 oras del matin del 25 d’abril, la ràdio emetiá la cançon Grândola Vila Morena. Èra lo senhal qu’avián causit Saraiva de Carvalho e los capitanis per far lo còp d’estat, que vendriá tota una revolucion pacifica. Los militars portugueses èran la basa d’una dictatura de 48 ans basada sustot sul mantenement de las colònias, e eles meteisses la reversèron.
Son ostal venguèt lo centre de reünions e amassadas ont s’organizèt lo còp contra la dictatura portuguesa, e el foguèt elegit responsable del comitat executiu del movement de las fòrças armadas qu’afrontèron la dictatura. L’operacion militara que lo planifiquèt consistissiá a assetjar la casèrna de Carmo, ont i aviá lo primièr ministre Marcello Caetano, qu’aviá succedit a Salazar e que se rendèt.
Lo 24 d’abril de 1974, a 11 oras del ser, la ràdio Emissores Associados de Lisbona emetiá la cançon E depois do Adeus. Èra lo primièr senhal que tot èra prèst. Los oficièrs del Movement de las Fòrças Armadas (MFA) anèron al pòst de comandament. A 4 oras del matin del 25 d’abril, la ràdio emetiá la cançon Grândola Vila Morena. Èra lo senhal qu’avián causit Saraiva de Carvalho e los capitanis per far lo còp d’estat, que vendriá tota una revolucion pacifica. Los militars portugueses èran la basa d’una dictatura de 48 ans basada sustot sul mantenement de las colònias, e eles meteisses la reversèron.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Malgrat ma resolucion de far pas pus de comentaris sus Jornalet, en seguida de menaças de bormal devèrs mi, fachas per un comentarista anònim, enfrànhi aquela promessa per saludar la memòria d'OTELO, militar exemplar. Que de bons remembres ambe el e soldats del COPCON sus la plaça del Rossio a Lisboa, tot degustant "camerones" en 1975. !
Grândola, vila morena,
Terra da fraternidade,
O povo ê quem mais ordena
Dentro de ti o cidade !
A sombra d'una azinheira
que ja não tenia idade
Jurei ter por companheira,
Grândola, a tua vontade !
Òsca a la Revolução dos cravos ! òsca als capitanis d'abril ! òsca a Otelo !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari