Actualitats
De gèns neandertalians
Los europèus sèm una de las populacions actualas qu’an mai de gèns neandertalians a respècte d’autres luòcs de la planeta
Ara que sabèm melhor que nòstra espècia a sonque fins a un 7% de gèns pròpris e que totes los autres gèns provenon d’autras espècias d’ominids, los estudiar poiriá fòrça ajudar a saber melhor cossí agisson e quins benfaches ne podèm obténer, o pas. E los europèus sèm una de las populacions actualas qu’an mai de gèns neandertalians a respècte d’autres luòcs de la planeta.
Ansin, un nòu metòde scientific poiriá descobrir quins gèns avèm eiretat dels neandertalians. Lo metòde foguèt elaborat per una còla de cercaires de l’Universitat de Copenaga en tot far servir d’espleches neuronals. Amb aquel metòde se poiriá conéisser los gèns avèm eiretat d’autras espècias e se nos pòdon èsser utils o pas. D’autres estudis al nivèl internacional tanben son a analisar de gèns d’autras espècias en d’autras poulacions coma, per exemple, los gèns denisovans presents en los melanesians.
Una mescla de milièrs d’ans
Lo metòde a per tòca de trapar de gèns d’autras espècias que pòdon portar de benfaches a nòstra espècia en Euròpa. E arriba après que s’es trapat que Homo sapiens sapiens se barrejèt fòrça amb de neandertalians en aqueste continent pendent de milièrs e milièrs d’ans. La tòca scientifica màger foguèt de trobar de mudacions de gèns que poguèsson entraïnar d’efièches sul metabolisme uman, de malautiás de la sang o d’immunitat cellulara.
Car mai del 40% del genòma de la populacion umana que viu fòra d’Africa uèi lo jorn es en relacion amb d’ancessors neandertalians. Uèi, pasmens, aquel eiretatge genetic se pòt sonque trapar dins lo 2% dels gèns qu’avèm. Cèrtas populacions umanas tanben an ADN denisovan, una espècia descobèrta al sègle XXI.
Los cercaires creson qu’aqueles gèns son a l’origina d’una color de pèl diferenta (mai adaptada a un clima freg europèu) mas tanplan divèrses cambiaments dins nòstre metabolisme. Mas demòran encara fòrça mudacions geneticas per descobrir. “Lo metòde genomatnn pòt certificar de cambiaments genetics entre espècias desparièras, çò diguèt Fernando Racimo, autor de l’estudi. Totun, primièr cal descobrir las regions de la planeta ont aquò se tenguèt”.
Aital, los scientifics an estudiat cossí la dicha «introgression genetica adaptativa» aviá provocat de cambiaments en nòstra espècia dempuèi l’epòca ont visquèron amb d’umans arcaïcs. Qualques unas d’aquelas mudacions son restacadas amb l’immunitat dels umans.
“Dins lo genòma europèu avèm descobèrt dos cambiaments genetics restacats amb la sang e al nivèl cellular. Dins la populacion de Melanesia los denisovans balhèron de gèns per luchar contra cèrtas malautiás de la sang, divèrses tipes de càncers (que patisson pas), la color de la pèl, lo metabolisme e mai d’una malautiá neurologica, çò apondèt Racimo. Ara cal veire se n’i a mai”. (Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Ansin, un nòu metòde scientific poiriá descobrir quins gèns avèm eiretat dels neandertalians. Lo metòde foguèt elaborat per una còla de cercaires de l’Universitat de Copenaga en tot far servir d’espleches neuronals. Amb aquel metòde se poiriá conéisser los gèns avèm eiretat d’autras espècias e se nos pòdon èsser utils o pas. D’autres estudis al nivèl internacional tanben son a analisar de gèns d’autras espècias en d’autras poulacions coma, per exemple, los gèns denisovans presents en los melanesians.
Una mescla de milièrs d’ans
Lo metòde a per tòca de trapar de gèns d’autras espècias que pòdon portar de benfaches a nòstra espècia en Euròpa. E arriba après que s’es trapat que Homo sapiens sapiens se barrejèt fòrça amb de neandertalians en aqueste continent pendent de milièrs e milièrs d’ans. La tòca scientifica màger foguèt de trobar de mudacions de gèns que poguèsson entraïnar d’efièches sul metabolisme uman, de malautiás de la sang o d’immunitat cellulara.
Car mai del 40% del genòma de la populacion umana que viu fòra d’Africa uèi lo jorn es en relacion amb d’ancessors neandertalians. Uèi, pasmens, aquel eiretatge genetic se pòt sonque trapar dins lo 2% dels gèns qu’avèm. Cèrtas populacions umanas tanben an ADN denisovan, una espècia descobèrta al sègle XXI.
Los cercaires creson qu’aqueles gèns son a l’origina d’una color de pèl diferenta (mai adaptada a un clima freg europèu) mas tanplan divèrses cambiaments dins nòstre metabolisme. Mas demòran encara fòrça mudacions geneticas per descobrir. “Lo metòde genomatnn pòt certificar de cambiaments genetics entre espècias desparièras, çò diguèt Fernando Racimo, autor de l’estudi. Totun, primièr cal descobrir las regions de la planeta ont aquò se tenguèt”.
Aital, los scientifics an estudiat cossí la dicha «introgression genetica adaptativa» aviá provocat de cambiaments en nòstra espècia dempuèi l’epòca ont visquèron amb d’umans arcaïcs. Qualques unas d’aquelas mudacions son restacadas amb l’immunitat dels umans.
“Dins lo genòma europèu avèm descobèrt dos cambiaments genetics restacats amb la sang e al nivèl cellular. Dins la populacion de Melanesia los denisovans balhèron de gèns per luchar contra cèrtas malautiás de la sang, divèrses tipes de càncers (que patisson pas), la color de la pèl, lo metabolisme e mai d’una malautiá neurologica, çò apondèt Racimo. Ara cal veire se n’i a mai”. (Legissètz la seguida).
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aqueste neandertales se sembla a lo ministre francès de l' Incultura Blanquer.
#2 Los bonobos son d'animals fòrça vesins de nosautres, los mai vesins per o dire tot. Totun, acoblar sexualament un uman e un bonobo non permetrarà jamai pus d'obténer de progenitura fegonda, çò que permet de probar que la distància geneticas entre los dos individús es tala, e mai minima, que non son mai d'una meteissa espècia. Los nòstres aujols que s'acoblèron amb de neadertalians obtenguèron progenitura pro fegonda per que ne siam encara aquí a ne parlar. Donc, èran necessàriament de la meteissa espècia. E es tot çò que voliái dire. Lo fait que ne foguèssen nòstres aujòls, en partida, aqueles neandertalians pròba indiscutiblament qu'èran de la nòstra espècia. Ne van tan segurament coma del can e del lop : lors cadèls comuns son fegonds, e se pòdon reproduïre tant amb los lops coma amb los cans.
#1 Los bonobos son de primats del genre pan, e nosautres sèm de primats del genre homo. Tanben del genre homo èran los neandertals e totas las autras espècias escantidas del genre homo.
Non compreni aqueste article. Afortís que : "nòstra espècia a sonque fins a un 7% de gèns pròpris e que totes los autres gèns provenon d’autras espècias d’ominids". Qu'es aquò, per vos, "una espècia" ? Doas espècias ne son doas a partir del moment que se dos subjèctes sexualament distincts non pòdon, en s'acoblant, engimbrar de cadèls futurament capable de se reproduire amb un membre de l'un o l'autre grop genetic. Cossí poiriam aver, ara per ara, gèns eissits d'autres grops genetics que non foguèssen de la meteissa espècia compte tengut que nos podèm encara reproduïre ?
Son e ramèls genetics distincts que ne sèm lo grau, aquò rai. Mas de ramèls que jamai non foguèron pro distinct per empachar de relacions fegondas entre elas, ni mai, ni mens.
Assajatz de vos reproduïre amb un Bonobò : non foncionarà pas, ja que non sèm de la meteissa espècia. Aquò's simple, non ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari