Actualitats
Hong Kong: primièra senténcia segon la lei chinesa de seguretat nacionala
Tong Ying-kit, un serveire de 24 ans, l’an declarat colpable de terrorisme e incitacion a la secession
Tèxte legit
Los faches pels quals an jutjat Tong se passèron lo 1r de julhet de 2020, pauc après que foguèt intrada en vigor la lei de seguretat nacionala. Segon l’acusacion, Tong se roncèt amb sa motocicleta sus tres policièrs antisusmautas en portant una bandeiròla amb l’eslogan: “Liberar Hong Kong, la revolucion de nòstre temps”.
Segon los mèdias locals, los jutges considèran que Tong incitèt al separatisme amb sa bandeiròla. A mai, lo considèran colpable de voler causar un “grand damatge a la societat” quand se roncèt suls policièrs qu’ensajavan d’arrestar sa motocicleta. L’avocat del jove acusat, totun, assegura que s’agiguèt d’un accident.
D’activistas pròdemocracia e d’organizacions umanitàrias denóncian qu’aquesta senténcia anulla lo sistèma legal d’Hong Kong e somet entièrament la vila autonòma a China. Pendent lo procès, lo tribunal refusèt a l’avocat de Tong de poder pagar una caucion e d’aver un jutjament amb una jurada populara.
Fa justament un an, après de meses de protèstas contra lo govèrn pròchinés de Carrie Lam, Pequin impausèt la dicha lei de seguretat nacionala, un tèxt que cèrca de combatre “lo separatisme, lo terrorisme, la subversion e la collusion amb de fòrças exterioras e estrangièras” a Hong Kong. Aquela lei permet de jutjar los manifestants e los activistas per “subversion, secession, terrorisme o conspiracion amb de poders estrangièrs”.
#BREAKING: Tong Ying-kit is found guilty of terrorism and inciting secession, becoming the first person convicted under Hong Kong's national security law.
— Holmes Chan (@holmeschan_) July 27, 2021
Last year, he drove a motorcycle with the slogan "Liberate Hong Kong, Revolution of Our Times" into police. Photo: i-Cable. pic.twitter.com/bD0nlP1GZR
BREAKING: The first person to be tried under Hong Kong’s sweeping national security law has been found guilty of secessionism and terrorism. The Hong Kong High Court handed down the verdict in the case of Tong Ying-kit, aged 24. https://t.co/P6akQeOlbS
— The Associated Press (@AP) July 27, 2021
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari