Del costat de la Superliga, sembla de mai en mai complicat de considerar que totas las partidas de la fasa de classament se poiràn téner d’aicí a la fin de l’estiu.
Los clubs avián demandat que se metèsse un tèrme al calendièr fòl dels temps de Pascas que vesiá fòrça nafrats aprèp las 4 partidas de jogar en 15 jorns. Mas, per boclar lo calendièr, los responsables an tornat metre aquel ritme infernal en aquesta fin de julh.
Cèrtas esquipas, coma los Dragons, an jogat las 4 partidas dins la quinzenada, alara que d’autras son a l’arrèst en rason de cases de covid.
Atal, 3 partidas de la 16a jornada se son pas tengudas. Warrington a batut Wigan 21-8, una victòria importanta en vista d’una qualificacion dirècta per las mièjas finalas. Dijòus, a Brutus, los Dragons an dominat Wakefield 40-20 per servar la primièra plaça al classament. Aqueste diluns de ser, per la 17a jornada, los Sang e Aur encadenan una dotzena victòria cò d’Hull KR: 23-16.
Tèst vertadièr pels catalans aqueste dissabte cò del campion Saint Helens qu’a ganhat largament cò d’Hull FC: 42-12.
Championship: Tolosa mai que jamai pretendent a la montada
Enfins, Tolosa a tornat trapar la pelena per anar afrontar l’autra esquipa sens desfaita: Featherstone. Los occitans an un còp de mai mostrat qu’èran de candidats serioses a la montada en Superliga en marcant 4 ensages e en s’impausant 23-6. Victòria de confirmar tre dimenge a Londres.
NRL: jornada perturbada
Pertocat per la covid, Queensland a menat l’NRL a remandar d’una jornada lo debanament de 3 partidas del campionat. Atal, la batèsta per la primièra plaça entre Melbourne e Penrith se debanèt dimenge en plaça de dissabte e virèt a l’avantatge de la Tempèsta sus las Pantèras: 37-10.
Dins lo dèrbi de Queensland, Brisbane domina los Vaquièrs 37-18. De notar la larga victòria dels Lapinons suls Dragons: 50-14.
Copa del Mond: la mica-maca
Aprèp la decision de las federacions australiana e neozelandesa de mandar pas lor formacion nacionala a la Copa del Mond en Anglatèrra aquesta tardor, lo comitat d’organizacion, per comunicat, a anonciat qu’èra urgent d’atendre. Auriá contactat los maoris neozelandeses e los aborigèns australians per participar a la competicion, alara que los Estats-Units e Serbia an fait acte de candidatura. Mas seriá espantant de veire la competicion mondiala se debanar sens las doas formacions primadièras del movement tretzista.
Un ostal de retirada pels Dragons?
L’an passat, Sam Moa, Thibaud Margalet e Antoni Maria daissèron los Dragons per jogar a Lesinhan. Mickaël Simon signèt a Carcassona ont venguèt tanben lo Lucàs Albèrt per se relançar.
Ongan, l’FC Lesinhan anóncia las signaturas de Lambèrt Belmàs (contracte non renovelat) e de Jason Baitieri. Los Verd e Blanc evòcan la possibilitat de recuperar McIlorum e Maloney que voldrián pas contunhar amb los Dragons, mas demorar en Catalonha o en Occitània!
Elèit 1: totjorn a 10?
En debuta de setmana passada, Palau anoncièt que, per manca de mejans financièrs, tornariá pas partir en Elèit 1 e que se marcava en Nacionala . Aquò refortís la perspectiva de la montada de Tolon en Elèit 1 pel manten d’una competicion amb 10 participants alara que l’objectiu de la Federacion es de faire passar, al mai lèu, aqueste nombre a 12.
Alan Roch
Los clubs avián demandat que se metèsse un tèrme al calendièr fòl dels temps de Pascas que vesiá fòrça nafrats aprèp las 4 partidas de jogar en 15 jorns. Mas, per boclar lo calendièr, los responsables an tornat metre aquel ritme infernal en aquesta fin de julh.
Cèrtas esquipas, coma los Dragons, an jogat las 4 partidas dins la quinzenada, alara que d’autras son a l’arrèst en rason de cases de covid.
Atal, 3 partidas de la 16a jornada se son pas tengudas. Warrington a batut Wigan 21-8, una victòria importanta en vista d’una qualificacion dirècta per las mièjas finalas. Dijòus, a Brutus, los Dragons an dominat Wakefield 40-20 per servar la primièra plaça al classament. Aqueste diluns de ser, per la 17a jornada, los Sang e Aur encadenan una dotzena victòria cò d’Hull KR: 23-16.
Tèst vertadièr pels catalans aqueste dissabte cò del campion Saint Helens qu’a ganhat largament cò d’Hull FC: 42-12.
Championship: Tolosa mai que jamai pretendent a la montada
Enfins, Tolosa a tornat trapar la pelena per anar afrontar l’autra esquipa sens desfaita: Featherstone. Los occitans an un còp de mai mostrat qu’èran de candidats serioses a la montada en Superliga en marcant 4 ensages e en s’impausant 23-6. Victòria de confirmar tre dimenge a Londres.
NRL: jornada perturbada
Pertocat per la covid, Queensland a menat l’NRL a remandar d’una jornada lo debanament de 3 partidas del campionat. Atal, la batèsta per la primièra plaça entre Melbourne e Penrith se debanèt dimenge en plaça de dissabte e virèt a l’avantatge de la Tempèsta sus las Pantèras: 37-10.
Dins lo dèrbi de Queensland, Brisbane domina los Vaquièrs 37-18. De notar la larga victòria dels Lapinons suls Dragons: 50-14.
Copa del Mond: la mica-maca
Aprèp la decision de las federacions australiana e neozelandesa de mandar pas lor formacion nacionala a la Copa del Mond en Anglatèrra aquesta tardor, lo comitat d’organizacion, per comunicat, a anonciat qu’èra urgent d’atendre. Auriá contactat los maoris neozelandeses e los aborigèns australians per participar a la competicion, alara que los Estats-Units e Serbia an fait acte de candidatura. Mas seriá espantant de veire la competicion mondiala se debanar sens las doas formacions primadièras del movement tretzista.
Un ostal de retirada pels Dragons?
L’an passat, Sam Moa, Thibaud Margalet e Antoni Maria daissèron los Dragons per jogar a Lesinhan. Mickaël Simon signèt a Carcassona ont venguèt tanben lo Lucàs Albèrt per se relançar.
Ongan, l’FC Lesinhan anóncia las signaturas de Lambèrt Belmàs (contracte non renovelat) e de Jason Baitieri. Los Verd e Blanc evòcan la possibilitat de recuperar McIlorum e Maloney que voldrián pas contunhar amb los Dragons, mas demorar en Catalonha o en Occitània!
Elèit 1: totjorn a 10?
En debuta de setmana passada, Palau anoncièt que, per manca de mejans financièrs, tornariá pas partir en Elèit 1 e que se marcava en Nacionala . Aquò refortís la perspectiva de la montada de Tolon en Elèit 1 pel manten d’una competicion amb 10 participants alara que l’objectiu de la Federacion es de faire passar, al mai lèu, aqueste nombre a 12.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Dins un communicat, aqueste dijòus de matin, lo comitat d'organization de la Copa del Monde anóncia que la competitcon es remandada a l'an que ven (2022).
https://www.rlwc2021.com
Partida St-Helens/Dragons retrasmesa en dirècte sus Be-In-Sport-1 aqueste dissabte a 3 e mièja del vèspre.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari