I avè en haut deu tablèu partidas qui senteishèvan las fasas finaus.

 

Divès Clarmont ganhèt una partida engatjada contra Montpelhièr. Vengut shens Trinh-Duc e Mamuka Gorgodze, los lengadocians responèren au combat impausat peus auvernhats. Pas de punt de bonus mès benleu un naveth rendetz-vòs es près peu lo mes de mai per las dus còlas.

 

 

Dissabte la partida qu'opausèt Tolon a Castras serveishèva de repeticion generau. Cadun sabèt perfèitement utilisar lo vent. Normaument a la pausa dab tres ensais los tolonés menèren suu scòre  clar de 25 a 13. En seconda tempsada dab los pès de Theulet e Bernard, Castras sabèt tornar au planchòt per acabar a 25-25. Castras pòt, dab dus recepcions a casa, esperar finir dens los quate prumèirs.

 

 

En haut deu tablèu, Racing a hèit la meishanta operacion de la dimenjada en pérder a Biàrritz. Serà complicat peus parisencs d'acabar dens lo quatuor de cap. E lo derbi parisenc dens 15 jorns tendrà tanben una sabor de fasa finau. 

 

 

En efeit, lo Racing a besonh de quate punts per assegurar la qualificacion e esperar mielhor. Sustot que l'Estadi francés dab la soa victòria contra Perpinhan se deishèt enqüera lo dreit d'esperar a una qualifacacion. Mès son dens l'obligacion d'anar ganhar a l'exterior dens un estadi que coneishem plan l'estadi de França.

 

 

Per Tolosa l'important qu'èra de ganhar contra Briva, ço qu'an hèit e son de biais oficiau qualificats per las semi-finaus. Mès ço que podem retenir d'aquesta partida es la penalitat mancada a la darrèira seconda per Belie e lo punt de bonus defensiu perdut per Briva. Briva es adara dotzau dab 42 punts com los baionés vencedors a Lion d'una partida de petita qualitat rugbistica.

 

Bordèu-Begla, ganhèt una partida, per contra una partida de las bonas. Mès Bordèu-Begla perdèt lo punt de bonus ofensiu a la darrèira minuta un punt important dens la luta deu mantengut. 

 

Las duas darrèiras jornadas seràn complicadas dab una partida Briva contra Bordèu-Begla a ne pas mancar. 

 

La Rochèla es second adara apres una victòria complicada a obtiéner contra los bearnés de Pau. Dacs ne sap pas mei viatjar dab una deisheita un chic vergonhosa a Orlhac. Quin de Pau e Dacs recebarà l'aute en fasa finau. Vaquí l'interés de las jornadas a viéner.

 

Que díser de Carcassona e de la soa victòria a Albi 10 a 13. Meriteishen de jogar las fasas finaus. Podem pensar que tot se jogarà a Bourgoin dab una partida de retard lo 6 de mai enter Bourgoin e Lo Mont de Marsan. Lo Mont arrestèt l'hemoragia dab 4 punts près a Periguers oficiaument relegats en federala 1 dab Besièrs.

	Equipa	Punts	J	G	R	P	B	Bp	Bc	Dif
1	FC Grenòble	105	28	22	1	5	15	715	354	361
2	La Rochèla	81	28	18	0	10	9	637	497	140
3	US Dacs	79	28	17	3	8	5	560	475	85
4	S Pau	78	28	17	1	10	8	557	510	47
5	US Carcassona	64	28	16	2	10	8	606	559	47
6	Estadi Montés	75	27	17	0	10	7	520	412	108
7	Sc Albi	67	28	13	0	15	15	577	557	20
8	US Oyonnax	64	28	13	1	14	10	559	555	4
9	FC Aush	63	28	14	1	13	5	472	532	-60
10	País d'Ais	58	28	11	1	16	12	589	626	-37
11	Estadi Orlhaqués	56	28	11	2	15	8	515	568	-53
12	Tarba PR	56	28	12	0	16	8	500	585	-85
13	RC Narbona M	55	28	11	0	17	11	520	620	-100
14	CS Bourgoin J	52	27	11	0	16	8	526	631	-105
15	AS Besièrs H	41	28	8	0	20	9	426	606	-180
16	Ca Periguers	36	28	6	0	22	12	451	643	-192

Eric Goyhenne