Actualitats
Lo Conselh Constitucional francés valida lo passador sanitari e la vaccinacion obligatòria dels sonhants
Pasmens, a censurat l’isolament dels malauts e la rompedura de contracte de trabalh
Tèxte legit
Lo Conselh Constitucional (CC) francés a validat, en granda partida, l'extension del passador sanitari que la prepausava lo president Macron. Los jutges constitucionals confirman que caldrà presentar un certificat de vaccinacion o un provament negatiu de covid-19 de mens de 48h per intrar dins los cafès o restaurants, e tanben ratifican lo vaccin obligatòri pels professionals de la santat.
D’autre latz, los jutges constitucionals an retocat l’isolament obligatòri de 10 jorns dels malauts en estimant qu’es pas“necessari, adaptat ni proporcionat”. Considèran que s’agís d’un mesura privativa de libertat “sens decision individuala fondada sus una apreciacion de l’autoritat administrativa o judiciària”.
Quant a la limitacion d’accès als centres comercials, lo CC a nuançat que se deu aplicar segon “la gravetat dels risques de contaminacion” per cada departament. A mai, los prefèctes departamentals poiràn metre en plaça lo passador sanitari dins los grands magazins e centres comercials mas en garentissent “l’accès de las personas aitant als bens e servicis de primièra necessitat coma als mejans de transpòrt accessibles dins l’encencha dels magazins e centres”.
Un ponch que lo CC a censurat es que los emplegaires pòscan rompre “abans son tèrme” un contrate de durada determinada (CDD). Mas si qu’an validat la procedura de suspension del contracte de trabalh sens remuneracion pels contractes de durada indeterminada (CDI).
Lo govèrn francés vòl metre en vigor aquelas mesuras a partir del 9 d’agost. S’agís d’una mesura fòrça contestada qu’a menat de milièrs de personas a manifestar per carrièras, e quitament a afrontar la polícia. Pasmens, la sostenon fòrça responsables de la santat publica.
D’autre latz, los jutges constitucionals an retocat l’isolament obligatòri de 10 jorns dels malauts en estimant qu’es pas“necessari, adaptat ni proporcionat”. Considèran que s’agís d’un mesura privativa de libertat “sens decision individuala fondada sus una apreciacion de l’autoritat administrativa o judiciària”.
Quant a la limitacion d’accès als centres comercials, lo CC a nuançat que se deu aplicar segon “la gravetat dels risques de contaminacion” per cada departament. A mai, los prefèctes departamentals poiràn metre en plaça lo passador sanitari dins los grands magazins e centres comercials mas en garentissent “l’accès de las personas aitant als bens e servicis de primièra necessitat coma als mejans de transpòrt accessibles dins l’encencha dels magazins e centres”.
Un ponch que lo CC a censurat es que los emplegaires pòscan rompre “abans son tèrme” un contrate de durada determinada (CDD). Mas si qu’an validat la procedura de suspension del contracte de trabalh sens remuneracion pels contractes de durada indeterminada (CDI).
Lo govèrn francés vòl metre en vigor aquelas mesuras a partir del 9 d’agost. S’agís d’una mesura fòrça contestada qu’a menat de milièrs de personas a manifestar per carrièras, e quitament a afrontar la polícia. Pasmens, la sostenon fòrça responsables de la santat publica.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#5 "Quora se tracha de l'ensenhament de las lengas regionalas (Lei Molac), los "Savis" del Conselh Constitucional trantalhan pas per censurar jol pretèxte qu'aquò fa doas categorias de franceses." La decision deu CC (qui ei hastiala) sus la lei Molac, ne l'avetz pas lejuda. Com tostemps, que s'i lei ací las mei granas bestiessas.
Quora se tracha de l'ensenhament de las lengas regionalas (Lei Molac), los "Savis" del Conselh Constitucional trantalhan pas per censurar jol pretèxte qu'aquò fa doas categorias de franceses. Per contra lo pass sanitari e totas la segregacions qu'entraina, aquò los geina pas cap. Per eles es pas un problèma i a pas qu'una categoria de franceses: los motons.
Quora se tracha de l'ensenhament de las lengas regionalas (Lei Molac), los "Savis" del Conselh Constitucional trantalhan pas per censurar jol pretèxte qu'aquò fa doas categorias de franceses. Per contra lo pass sanitari e totas la segregacions qu'entraina, aquò los geina pas cap. Per eles es pas un problèma i a pas qu'una categoria de franceses: los motons.
#2 Que sabem plan qu'ètz un enviat deus reptilians tà que lo monde ne's vaccinen pas. Atau, los rebèlles que moriràn, mentre qui los motons e's sauvaràn.
Los pestiferats son tanben los vaccinats perquè la molécula skipe qu'es dins los vaccins es dangerosas. De mai, l'oxide de grafene n'a ren a far dins un vaccin., dins un masc, dins un test covid. E, enguera van augmentar lo pretz daus vaccins.
Mas la fin d'aquela dictatura es pus tres lonh. Quò es per aquò que l'òm butit las mesuras dictatorialas, Cerchan qué? a validar la tesa d'aqueus que disan qu'i a un complòt?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari