capçalera campanha

Actualitats

PoliticaSocietat

De centenats de milièrs de personas contra lo passador sanitari

De manifestacions nombrosas per tot l’estat francés, mai que mai en Occitània, contra l’extension del certificat covid

A Marselha los pompièrs an jonch la manifestacion
A Marselha los pompièrs an jonch la manifestacion | @AmauryBaque

Tèxte legit

Contunhan las protèstas per tot l’estat francés contra lo passador sanitari e la vaccinacion obligatòria del personal sanitari. De centenats de milièrs de personas (237 000 segon lo Ministèri de l’interior) marchèron per las carrièras de mai de 150 vilas contra la mesura anonciada pel president, Emmanuel Macron, e validada pel Conselh Constitucional la setmana passada.
 
Suls imatges que los quites manifestants an publicat suls rets socials, podèm veire que se protèsta contra “la dictatura sanitària” del temps que revendican “libertat” e “resisténcia” al govèrn francés.
 
 
Mai que mai massissas a l’èst d’Occitània
 
En Occitània, las protèstas son estadas fòrça multitudinàrias, mai que mai a l’èst del país. Segon las primèras chifras qu’avèm de la polícia e de las prefecturas, almens 19 000 personas an desfilat a Tolon, 10 000 a Niça, 8000 a Montpelhièr e 6000 a Marselha. A Tolosa, la polícia raportava 5000 manifestants mentre que n’i auriá agut 3300 a Bordèu.
 
A partir d’uèi es obligaròri, dins tot l’estat francés, de presentar un certificat de vaccinacion completa o un provament negatiu de covid-19 de mens de 72h per intrar dins los cafès o restaurants e tanben pels viatges longs en tren, autobús o avion.
   
 
 
 
 
 
 
 
   

 
abonar los amics de Jornalet
 
 

 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

francesc palma
1.

Se cal vacunar amics, per la feina, per viatjar, per anar al teatre, a l'otel, a restaurant, al fotbol, al rutbi, per poder viure fent las causas normalas, per poder anar als pissadors publics e als cagadors; per comprar un gelat, per ne poder sortir d'una vegada de portar la mascareta per entrar als locs publics. Cal se vacinar amics ! Que l'union fa la força !

  • 1
  • 0

Escriu un comentari sus aqueste article