Aquestes darrièrs jorns, Martin a plan fach parlar d’el dins los Pirenèus ariegeses. Primièr, una ataca d’ors provoquèt la mòrt de 56 oelhas a Vethmala, sus l’estiva del gropament pastoral de Taus, lo dijòus 5 d’agost, çò rapòrta La Dépêche. “Avèm viscut l’orror”, çò ditz Robin Cazalé, president del grop pastoral (GP). A l’origina de la tragèdia, un ors foguèt apercebut e escartat per un pastre devèrs la mièjanuèch, puèi ataquèt un autre tropèl un pauc mai luènh, malgrat la preséncia dels cans patons e mastins espanhòls. Las oelhas espauridas galopèron tot lo long d’una cresta abans de se getar dins lo voide, per una casuda fatala de 500 mètres. Una novèla ataca que, segon Robin Cazalé, poiriá aver per consequéncia l’abandon d’aquela partida de la montanha e la fin de l’entreten dels païsatges pels tropèls qu’i paisson, en rason, totjorn segon Cazalé, de l’inaccion de l’estat francés.
 
 
Un pastre acorsat per un ors
 
Encara en Coserans, un pastre foguèt cargat per un ors mentre qu’ensajava d’aparar son tropèl, dins la nuèch del 4 al 5 d’agost. Se poguèt salvar en s’embarrant dins sa cabana.
 
 
Lo ponch de vista d’un naturalista especialista de l’ors
 
Pel naturalista Jean-Louis Orengo, las confrontacions amb l’ors poiràn pas èsser evitadas, e mai l’òme faga pas partida de sas predas. D’en primièr, perque l’ors a tot simplament un comportament animal, que se pòt comparar al de quina bèstia que siá, salvatja o domètja.
 
Pertocant l’ataca que se debanèt a Sant Lari, es probable que l’ors èra ocupat a caçar e que foguèt destorbat. A causa d’aquò reagiguèt amb la sola amira d’espaurugar l’òme, que se l’aviá volgut chapar, o auriá fach sens cap de dificultat. Aquò remembra que fa tres ans, un caminaire se trobèt entre una orsa e sos pichons e deguèt fugir amb tota la velocitat de sas cambas.
 
Ça que la, de memòria pirenenca, çò apond lo scientific, i a pas agut cap d’ataca mortala d’ors. Plan segur, la creissença del nombre d’orses dins los Pirenèus (un seissentenat actualament) rend de mai en mai aqueles rescontres quasiment obligatòris.
 
Es per aquò que, segon Jean-Louis Orengo, sèm dins un periòde clau ont nos cal trobar un equilibri dins la coabitacion e chifrar a cossí podèm viure ensems.
 
Un conselh per acabar: se pensatz d’èsser prèp d’un ors en montanha cal pas galopar: dins la màger part dels cases, basta de parlar o d’estuflar e l’ors s’alonharà sul pic.
 
 
 
 
TH
 


 
 

Pyrénées. Une cellule de crise ouverte en Ariège, où un berger a été chargé par un ours https://t.co/hRArJeiRvz

— Chat Mallow (@catMall0w) August 8, 2021

 

il y a que en Ariège qu’ils vont porter plainte contre l’OURS wsh https://t.co/941eKppgKU

— Shrekira (@kaizokufrit) August 8, 2021