Actualitats
Quinn, la primièra persona trans non binària a daverar l’aur olimpic
La seleccion de fotbòl de Canadà, ont jòga Quinn, a ganhat la medalha als Jòcs Olimpics de Tòquio
Tèxte legit
La seleccion femenina de fotbòl de Canadà daverèt divendres passat sa primièra medalha d’òr als Jòcs Olimpics de Tòquio. A mai, la reüssida lor es doblament istorica car l’esquipa compren Quinn, la primièra persona transgenre e non binària a emportar l’aur olimpic.
Quinn a 25 ans, es originària de Toronto e a totjorn aimat l’espòrt. Quand faguèt sos estudis als Estats Units, ont se diplomèt en biologia, se faguèt remarcar dins l’esquipa de fotbòl de l’Universitat de Duke e joguèt dins la liga estatsunidenca amb lo Washington Spirit. En 2016, ganhèt la medalha de bronze amb l’esquipa femenina als jòcs de Rio de Janeiro, mas aviá pas encara renduda publica son identitat de genre.
Es en setembre passat que Quinn decidiguèt de parlar publicament de son identitat de genre e o faguèt sus Instagram. “Sortir de l’armari es pas aisit”, çò diguèt. “Ai viscut dobèrtament coma persona trans amb las gents qu’aimi pendent longtemps e me demandavi cossí se passariá a l’ora d’o far publicament”, çò apondiá. La tòca de son messatge èra d’ajudar “la comunautat queer qu’es pas acostumada de veire cap de sos membres dins un estadi de fotbòl”.
La recèrca de l’identitat pròpria de cadun, mai que mai dins lo collectiu LGBT, explica perqué i a de mond que se definisson coma òmes, coma femnas, d’un genre intermediari, o ben sens genre o amb un genre especial qu’a pas cap de caracteristica dels autres dos genres. Aquel tresen genre es a l’ora d’ara reconegut en Argentina, Austràlia, Bangladèsh, Califòrnia, Canadà, Índia, Nepal, Nòva Zelanda e als Païses Basses.
Quinn a 25 ans, es originària de Toronto e a totjorn aimat l’espòrt. Quand faguèt sos estudis als Estats Units, ont se diplomèt en biologia, se faguèt remarcar dins l’esquipa de fotbòl de l’Universitat de Duke e joguèt dins la liga estatsunidenca amb lo Washington Spirit. En 2016, ganhèt la medalha de bronze amb l’esquipa femenina als jòcs de Rio de Janeiro, mas aviá pas encara renduda publica son identitat de genre.
Es en setembre passat que Quinn decidiguèt de parlar publicament de son identitat de genre e o faguèt sus Instagram. “Sortir de l’armari es pas aisit”, çò diguèt. “Ai viscut dobèrtament coma persona trans amb las gents qu’aimi pendent longtemps e me demandavi cossí se passariá a l’ora d’o far publicament”, çò apondiá. La tòca de son messatge èra d’ajudar “la comunautat queer qu’es pas acostumada de veire cap de sos membres dins un estadi de fotbòl”.
La recèrca de l’identitat pròpria de cadun, mai que mai dins lo collectiu LGBT, explica perqué i a de mond que se definisson coma òmes, coma femnas, d’un genre intermediari, o ben sens genre o amb un genre especial qu’a pas cap de caracteristica dels autres dos genres. Aquel tresen genre es a l’ora d’ara reconegut en Argentina, Austràlia, Bangladèsh, Califòrnia, Canadà, Índia, Nepal, Nòva Zelanda e als Païses Basses.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari