Actualitats
Tigrai: de centenats de femnas e filhas violadas e torturadas per de militars
“Sabi pas se s’avisèron qu’èri una persona” es lo títol d’un rapòrt d’Amnestia Internacionala basat sus l’entrevista de 63 femnas
Tèxte legit
De centenats de femnas e de filhas son estadas violadas en Tigrai per de militars de las tropas governamentalas d’Etiopia, çò denóncia un rapòrt d’Amnestia Internacionala. Lo rapòrt parla de “viòls, d’esclavatge sexual, de mutilacion sexuala e d’autres mejans de tortura, sovent amb de comentaris etnics umiliants e de menaças de mòrt”.
Lo rapòrt es entitolat “Sabi pas se s’avisèron qu’èri una persona: viòl e d’autres actes de violéncia sexuala dins lo conflicte de Tigrai”, e se fonda sus l’entrevista de 63 femnas qu’an subreviscut a la violéncia sexuala. Segon las victimas, los assalhidors son de membres de las Fòrças de Defensa Nacionala d’Etiopia, de las Fòrças de Defensa d’Eritrèa, de la polícia especiala de la region d’Amhara, e de Fano, una milícia amharica.
“Lo viòl e la violéncia sexuala son estats utilizats coma armas de guèrra per infligir un mal fisic e psicologic persistent a las femnas e joventas en Tigrai. De centenats d’elas son estadas somesas a un tractament brutal amb la tòca de las degradar e las desumanizar”, çò condemna Agnès Callamard, secretària generala d’Amnestia Internacionala.
Dos milions de desplaçats
La guèrra en Tigrai a causat gaireben dos milions de desplaçats, a destruch l’economia de la region, e la situacion sanitària e alimentàira es alarmanta. Aquestes darrièrs meses, l’ÒNU a raportat de denóncias de netejatge etnic, de viòls en grop e d’autres crimes contra l’umanitat.
Tigrai es una de las 12 unitats federadas d’Etiopia (deu estats regionals e doas vilas). Lo país african se regís dempuèi 1994 amb un sistèma dich de “federalisme etnic”, lo qual autreja un estat regional a las principalas nacions: oromos, amharis, tigrinhas e somalis. En Tigrai, lo 95% de la populacion fa partida del pòble tigrinha. Lo TPLF govèrna l’estat regional dempuèi sa fondacion.
En novembre passat, Etiopia declarèt la guèrra a Tigrai après una disputa politica entre lo govèrn federal d’Abiy Ahmed, qu’en 2019 recebèt lo prèmi Nobel de la patz, e lo TPLF, que governèt Etiopia pendent gaireben tres decennis.
Lo rapòrt es entitolat “Sabi pas se s’avisèron qu’èri una persona: viòl e d’autres actes de violéncia sexuala dins lo conflicte de Tigrai”, e se fonda sus l’entrevista de 63 femnas qu’an subreviscut a la violéncia sexuala. Segon las victimas, los assalhidors son de membres de las Fòrças de Defensa Nacionala d’Etiopia, de las Fòrças de Defensa d’Eritrèa, de la polícia especiala de la region d’Amhara, e de Fano, una milícia amharica.
“Lo viòl e la violéncia sexuala son estats utilizats coma armas de guèrra per infligir un mal fisic e psicologic persistent a las femnas e joventas en Tigrai. De centenats d’elas son estadas somesas a un tractament brutal amb la tòca de las degradar e las desumanizar”, çò condemna Agnès Callamard, secretària generala d’Amnestia Internacionala.
Dos milions de desplaçats
La guèrra en Tigrai a causat gaireben dos milions de desplaçats, a destruch l’economia de la region, e la situacion sanitària e alimentàira es alarmanta. Aquestes darrièrs meses, l’ÒNU a raportat de denóncias de netejatge etnic, de viòls en grop e d’autres crimes contra l’umanitat.
Tigrai es una de las 12 unitats federadas d’Etiopia (deu estats regionals e doas vilas). Lo país african se regís dempuèi 1994 amb un sistèma dich de “federalisme etnic”, lo qual autreja un estat regional a las principalas nacions: oromos, amharis, tigrinhas e somalis. En Tigrai, lo 95% de la populacion fa partida del pòble tigrinha. Lo TPLF govèrna l’estat regional dempuèi sa fondacion.
En novembre passat, Etiopia declarèt la guèrra a Tigrai après una disputa politica entre lo govèrn federal d’Abiy Ahmed, qu’en 2019 recebèt lo prèmi Nobel de la patz, e lo TPLF, que governèt Etiopia pendent gaireben tres decennis.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari