Actualitats
Vilanuèva d’Òlt: a començat la 47a edicion de l’Escòla Occitana d’Estiu
S’agís d’un eveniment màger per la transmission e lo mantenement de nòstras lenga e cultura, e d’un espaci ont poder viure plenament en occitan
Tèxte legit
Comencèt ièr dimenge a Vilanuèva d’Òlt (Naut Agenés) la 47a edicion de l’Escòla Occitana d’Estiu, un eveniment màger per la transmission e lo mantenement de nòstras lenga e cultura que prepausa fins al 21 d’agost de corses de lenga occitana a totes los nivèls en lengadocian, gascon e lemosin, e tota una tièra d’activitats: d’obradors, de conferéncias, d’espectacles, de danças, de descobèrtas del terraire e una librariá completa de libres en lenga nòstra. Demest los divèrses espectacles de cada serada, i aurà dimècres un concèrt de Courtial X Kogane.
Los participants son normalament d’occitans que venon de pertot dins lo país, seguits per un grop de catalans plan nombroses. Al delà, i a de mond de païses ben divèrses.
A l’EOE, i a de mond de totas las edats, çò que fa venir passionants los escambis entre dialèctes e generacions, mai que mai en tot beure un còp a l’estanquet, a la fin de la jornada, abans lo balèti o l’espectacle.
Pels mai pichons, i a l’Escoleta, amb d’activitats per enfants de 5 a 9 ans, e per lo jovent d’10 a 16 ans i a l’Escòla dels Adolescents (dicha “Escòl’Adòs”).
Coma d’abitud, lo Comitat d’Afrairament Occitanocatalan (CAÒC) i serà, en tot portar fòrça participants e en collaborar activament a l’organizacion de l’eveniment.
Divendres que ven, l’EOE la clavarà una fèsta occitanocatalana en vila, al mercat dels terraires, amb un concèrt-balèti menat per los musicians de Laüsa.
Los participants son normalament d’occitans que venon de pertot dins lo país, seguits per un grop de catalans plan nombroses. Al delà, i a de mond de païses ben divèrses.
A l’EOE, i a de mond de totas las edats, çò que fa venir passionants los escambis entre dialèctes e generacions, mai que mai en tot beure un còp a l’estanquet, a la fin de la jornada, abans lo balèti o l’espectacle.
Pels mai pichons, i a l’Escoleta, amb d’activitats per enfants de 5 a 9 ans, e per lo jovent d’10 a 16 ans i a l’Escòla dels Adolescents (dicha “Escòl’Adòs”).
Coma d’abitud, lo Comitat d’Afrairament Occitanocatalan (CAÒC) i serà, en tot portar fòrça participants e en collaborar activament a l’organizacion de l’eveniment.
Divendres que ven, l’EOE la clavarà una fèsta occitanocatalana en vila, al mercat dels terraires, amb un concèrt-balèti menat per los musicians de Laüsa.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Pèire Bec venguet un pic a far una conferència a Palma e me parlet que li agradaria que posassin en Aran una emissora de Radio en Oc de la Generalitatme e me diguet qu'o avia demandat. Qu' arribàs tanben a l'altra part de l'Aran francès, a parts de Comenges, de la Bigorra, d'Arieja,.....,per ajudar a la difusion de la lenga. Ja fa una grapada d'ans mas cresi qu'encara non s'a fait. Cal començar que seria una bona sorpresa que las onas arribassin amb una fonetica classica a locs que non tenen aquesta libertat d'ausir sa lenga.
I som estat e francament es força luenh e las comunicacions dificilas. Seria plan melhor de se far a La Vall d'Aran mai proche e amb la fonetica trobadoresca; amb lo CAOC que podria aprene moltes coses que li serian mai profitosas per la vida futura .
VILANOVA D'OLT com diu lo mieu amic Jaume Corbera professor de català e occitanista de l'Universitat de les Illes Balears, que s'engenia quan o diuen de l'altra maniers.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari