“Es pas lo cambiament climatic, es una crisi climatica, e lo nòstre país ne fa partida”, çò a dich lo primièr ministre de Grècia Kyriakos Mitsotakis, après que los incendis an devastadas 100 000 ectaras del país ellenic.
 
Lo 9 d’agost passat, publicàvem dins aquestas paginas d’imatges de las operacions per evacuar per mar los abitants de l’illa d’Eubèa. Ara, la Television de Catalonha ven d’emetre d’imatges esglasiants de l’illa a vista de dròne: de vilas destruchas e d’ectaras e d’ectaras d’arbres cremats que se pèrdon a l’asuèlh.