capçalera campanha

Actualitats

InternacionalPoliticaSocietat

Kabol es un caos umanitari de desplaçats que fugisson la terror; ja i intran los talibans

L’avançada dels talibans en Afganistan a desplaçat 3,3 milions de personas

| EFE/EPA/Jawed Kargar

Tèxte legit

L’avançada dels talibans en Afganistan a causat lo desplaçament de 3,3 milions de personas, dont de centenats de milièrs arriban a Kabol en fugissent la terror. La majoritat quitèron lors ostals còp sec sens emportar grand causa. Ara lo mond s’amolonan dins los pargues dins de condicions precàrias del temps que participan a la distribucion d’aliments.
 
D’organizacions coma l'ÒNU an exigit una alta al fuòc permanenta, mas l’avançada dels talibans pareis imparabla, mai que mai après la presa de la vila de Kandahar, la segonda mai importanta del país. Lor arribada a Kabol sembla inevitabla e las consequéncias ne seràn tragicas.
 
Los estrangièrs ensajan de quitar Afganistan, mas los prèses dels bilhets d’avion an fòrça pojat e mai despassan los 2000 dolars per viatge.

Mesa a jorn (11h40): segon lo govèrn afgan, los talibans son ja intrats dins Kabol "de totes los costats".
 
 
 


abonar los amics de Jornalet

 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Sitting Bull Pradas Eternas dau Grand Manitó
8.

#7 Pus grand encara serà lo dòl quand America s'escrancarà e que los pòbles de Wakan Tanka seran tornamai mèstres de lors tèrras raubadas. Ugh !

  • 2
  • 0
MOSCA CANHISCA
7.

#6 Un messatge conhit d'empatia entà tots los qui van sofrir devath lo regime deus talibans, en especiau las hemnas. Que'm datz enveja de vomir.

  • 3
  • 0
Sitting Bull Pradas Eternas dau Grand Manitó
6.

E òc, fasian los mariòls, totis recampats darrièr lo Fraire Grand de Washington, dins sa Santa Crosada Contra lo Mal ( "War Against Terror" in v.o.) ! De qu'es arribat al cow-boy gigantàs e sas Tunicas Blavas ?
Una brava Des-ban-da-da. E aquò es ren que la debuta. Ugh !

  • 6
  • 1
La morala de l\'Istòria
5.

Diluns 16 d'agost. Es fach, Kabol es tombat. Coma Saïgon en 1975. Aquò's ara una acostuma pels americans de fugir la coa entre las cambas. Un molon de mòrts per pas res. La Grandor d'Occident ? L'iper-poissança americana ? Al cagadors de l'Istòria, coma totis los empèris abans. Afganistan passa de la pèsta occidentala al colerà dels talibans ? Coma ièr Viet-Nam passèt de l'occupacion americana que venia aprèp la colonizacion francesa, cap a una dictatura estaliniana, mas plan viet-namiana, ELA. Coma aquela man de fèrre talibana que ven de triomfar uèi es tanben plan afgana, ELA. N'es atal de l'Istòria : es pas morala e l'a jamai estat.

  • 11
  • 2

Escriu un comentari sus aqueste article