capçalera campanha

Actualitats

Internacional

Haití: un tèrratrem de 7,2 daissa de centenats de mòrts e de grèus damatges

Lo país, que patís una fòrta crisi politica après l’assassinat de son president, s’èra pas encara refach del tèrratrem de 2010

Tèxte legit

Un tèrratrem de magnitud 7,2 sus l’escala de Richter a brandit Haití. “Es probable que i aja fòrça victimas e que la situacion siá catastròfica pertot”, çò a comunicat lo Servici Geologic dels Estats Units. Dins la darrièra mesa a jorn de donadas qu’avèm consultat, las autoritats haitianas confirmavan 304 mòrts e mai de 1800 nafrats. L’epicentre del tèrratrem es estat a 12 km al nòrd-èst de Saint Louis du Sud, dins lo sud del país, a 13 km de prigondor.
 
Lo país s’es pas encara refach del fòrt tèrratrem patit lo 12 de genièr de 2010, que daissèt mai de 316 000 mòrts e un milion e mièg de damatjats. A mai, lo país subís una grèva crisi politica après qu’en julhet passat foguèt assassinat son president, Jovenel Moïse.
 
 
Un país marcat per la tragèdia
 
Lo 12 de genièr de 2010, un tèrratrem de magnitud 7 destruguèt entièrament Haití, lo país mai paure de la mar Cariba, e daissèt entre 220 000 e 300 000 victimas mortalas.
 
Haití viu una situacion sòcioeconomica fòrça complicada que la pandèmia a accentuat. Las carrièras de Port au Prince vivon gaireben de protèstas jornadièras contra l'inseguretat e las marridas condicions de vida.
 
D’autre caire, l’assassinat del president Jovenel Moïse, lo 7 de julhet, a enfonzat lo país dins una crisi politica complèxa.
 
 
 



abonar los amics de Jornalet

 

 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris


I a pas cap de comentari

Escriu un comentari sus aqueste article