Lo cambiament climatic que lo patís la planeta actualament poiriá fòrça cambiar lo cicle de sabla sahariana qu’arriba en Euròpa e America d’un biais annadièr. Segon de donadas d’un nòu estudi fach sus aquel efièch climatic, las nívols de sabla an de mai en mai demenit aquestes darrièrs vint ans e se pòt esperar que demeniràn encara mai d’un 60% los 40 ans venents. Tot aquò tanben provocarà, a l’encòp, un cambiament climatic pus prigond en aqueles continents.
 
Segon aquò, doncas, la sabla sahariana qu’arriba de l’Africa del Nòrd a travèrs del vent s’es reducha d’un biais estonant pendent los darrièrs decennis. Aquò seriá la resulta del cambiament climatic mondial que se fa sentir pertot. L’escalfament dels oceans auriá tanben entraïnat de vents amb mens de sabla sahariana. Aquel efièch indirècte del cambiament climatic poiriá balhar coma resulta, segon los cercaires qu’an fach aquel estudi, una melhor qualitat de l’aire en Euròpa, mas tanben poiriá aver d’efièches negativas coma una demenida de la vegetacion tropicala en Amazonia, una pèrda màger de glaç en Antartida e de mai en mai d’auragans dins l’Atlantic.
 
Las donadas son estadas confirmadas per la NASA e publicadas dins lo numeric GeophysicalResearchLetters: cada an se forma de colomnas d’aire sul Sahara e mai de 60 milions de tonas de sabla del desèrt viatjan vèrs d’autres luòcs fòra del continent african. La nívol cargada de sabla tanben a fòrça compausants que crèan d’aire caud a mai de dos quilomètres de nautor a respècte de la superfícia. Pr’amor que la posca sahariana tanben ajuda l’ecosistèma terrèstre en tot equilibrar encara mai l’energia climatica, adocís la temperatura de la superfícia oceanica e fertiliza plusors ecosistèmas terrèstres e marins en mai de modificar la pluèja. (Legissètz la seguida).




 

---

Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.