La comissària europèa dels afars interiors, Ylva Johansson, a demandat d’evitar una crisi migratòria fàcia a la situacion en Afganistan. Dins un vidèo publicat sus Twitter, a assegurat que caliá ajudar la populacion per que “tornèsson en cò lor” quand seriá possible. Tanben a dich qu’ajudariá los païses vesins e los afgans de la region per evitar que comencèsson de viatges perilhoses devèrs las frontièras exterioras de l’Union Europèa. “Los devèm ajudar abans qu’aquò se passe”, çò a assolidat. Segon son vejaire, los emplegats de las organizacions umanitàrias e las femnas son lo collectiu mai expausat als risques.
 
Per ara, los talibans son a reprimir amb de balas realas las primièras protèstas dels ciutadans que se tenon per tot lo país. Sabèm pas quantes manifestants son mòrts.
 
 

Today in a meeting with Interior ministers HRVP Borrell and I gave an update on the situation in Afghanistan. Here is my statement: https://t.co/xC4KlnA4t7pic.twitter.com/41SW5sF7Gv

— Ylva Johansson (@YlvaJohansson) August 18, 2021