Lo tèrratrem d’Haití afècta environ 1 200 000 personas, dont 540 000 enfants, segon de donadas de l’Unicèf. Aquela organizacion de l’ÒNU que trabalha per melhorar la vida dels enfants denóncia tanben l’aument de la violéncia criminala e l’inseguretat.
 
En mai del sisme qu’a destruch un fum de bastiments, la tempèsta tropicala Grace e sas inondacions consecutivas an aduch mai de malaür al país e gèinan l’òbra de l’ajuda umanitària. A l’ora d’ara, l’accès a l’aiga potabla e la situacion de las familhas mai vulnerablas es fòrça grèva. Al total, mai d’84 000 ostals son destruches. Tanben son avalits fòrça ponts, espitals, escòlas… Segon las darrièras donadas, lo nombre de mòrts se sarra de 2200 e los nafrats de 12 200.
 
Unicèf trabalha amb lo govèrn del país per avalorar los besonhs dels mainats e calcula que caldrà mai de 12 milions d’èuros per ajudar las personas en situacion d’urgéncia màger.